Қыз Жібек клубы
«Қыз Жібек қыздар клубының» басты мақсаты – қазіргі қоғамдық ортада азаматтық ұстанымдары бар, жеке өмірде отбасылық міндеттерді алған білімімен ұштастыра білетін, ұлтжанды, парасатты, ұлттық салт-дәстүр мен мәдениетті дәріптейтін шынайы «Қыз Жібек» қалыптастыру және Университет білім алушыларының сырласатын, ой бөлісетін, қажетті кеңестер ала алатын қыздар ортасын құру. Университетте білім алып жатқан қыздар арасында ұлттық дәстүрді дәріптейтін іс-шаралар, байқаулар және қолөнер көрмесін ұйымдастыру, Университетте білім алып жатқан мүмкіндігі шектеулі, мүгедек, жетім қыздарға психологиялық және материалдық көмек көрсету болып табылады.
«Қыз Жібек қыздар клубының» мүшелеріне қойылатын талаптар:
- Клуб қызметін насихаттауға арналған іс-шаралар мен акцияларға белсенді қатысу;
- ұжымдық және жеке мүдделерін біріктіру;
- жолдастық өзара көмек, қолдау көрсету;
- клубтың ішкі өмір ережелерін сақтау;
- жан-жақты білімді болуы;
- сыр-сымбатын сақтай білетін, өзін сұлу ұстауға үйренуі;
- ұлттық өнерді дәріптеуі;
- шебер сөйлеп, салт дәстүрді сақтай білуі;
- жаңашылдыққа жақын болуы;
- шет тілі мен іскерлік қарым қатынас әдебін игеруі;
- бұрынғы қазақ аруларының асыл қасиеттерін дәріптеуі;
- қазіргі сәндік киім үлгілерін талғаммен үйлестіре білуі;
- сән өнерін тоғыстыра білуі;
- мәдениет пен өркениетті қатар алып жүруі;
- сұлулық пен денсаулықты сақтаудың, салауатты өмір сүрудің басты қағидаларын ұстануды үйренуі;
- болашақ ұлттың анасы ретінде қыздарды отбасы өміріне даярлауы;
- үй шаруашылығына қатысты өмірлік қажеттілік дағдысын қалыптастыруы;
Жоғарыда аталған мақсаттар мен міндеттерді орындай аламын деген университеттің кез-келген студент қызы ерікті түрде клубқа мүше бола алады.
Клуб төмендегі бағыттар бойынша жұмыс жүргізеді.
1)Еріктілер тобы бағыты бойынша«Үш тілді дамыту» іс-шараларын өткізу
2)«Болашаққа бағдар: Рухани Жаңғыру» бағдарламасы бойынша Қоғамдық тұлғалармен, саясаткерлермен, ғалымдармен, жазушылармен кездесулер ұйымдастыру
3)Салауатты өмір салты бағыты бойынша дәрістер жүргізу
4)Қолөнер түрлерін дамыту бағыты
5)Мәдени-шығармашылық бағыты
Тіркелгіңіз келсе 215 кабинет, Сеитова Инкар Альмаханқызы 87016241515 байланыс нөміріне хабарласуларыңызға болады.
