«Үздік түлек-2018» конкурсының жеңімпаздарының ректормен кездесуі
2018 жылы 12 сәуір күні С.Ж.Асфендияров атындағы Қазақ ұлттық медицина университетінде «Жалпы медицина» мамандығының бес дайындық бағытының бойынша 7 курс және «Стоматология» мамандығы бойынша 6 курс түлектерінің арасында өткен «Үздік түлек-2018» конкурсының жеңімпаздары анықталып, Астана қаласындағы «Астана медицина университетінде» 2018 жылы 23-24 мамыр аралығында өтетін Қазақстан Республикасының медициналық жоғары оқу орындарының 2018 жылғы үздік түлегі конкурысына баратын білім алушылар іріктеліп алынды.
Осыған байланысты Университетіміздің ректоры Т.Нұрғожин 2018 жылы 10 мамыр күні «Үздік түлек-2018» конкурсының жеңімпаздарымен кездесіп, республикалық конкурсқа баратын түлектерімізге ақ жол тілеп, түлектердің болашақ жоспарлары туралы сұрап, басқа да өзекті мәселелер жөнінде пікір алысты. Түлектер қызықты өткен кездесу үшін ректорымызға өз алғыстарын айтып, алдымыздағы сайыста жүлделі орындардан көрінетіндері туралы уәде берді.
