ҚазҰМУ-да қоғамдық денсаулық сақтау саласының халықаралық сарапшысы Моника Сванның дәрісі өтеді
Құрметті С.Ж. Асфендияров атындағы ҚазҰМУ студенттері, магистранттары, докторанттары және профессор-оқытушылар құрамы!
Сіздерді эпидемиология және жаһандық денсаулық сақтау саласындағы көрнекті халықаралық сарапшы — Моника Сван, PhD, Charles W. & Evelyn F. Thomas атындағы қоғамдық денсаулық сақтау профессоры және деканы, Вирджиния Достастық университетінің Қоғамдық денсаулық сақтау мектебінің өкілі, Әйелдер денсаулығы институтының жаһандық әйелдер денсаулығы жөніндегі директорының қонақ дәрісіне қатысуға шақырамыз.
Дәріс тақырыбы:“Advancing Global Health Through Academic Partnerships: The Role of VCU School of Public Health in Research, Training, and Health System Strengthening”
(«Академиялық серіктестік арқылы жаһандық денсаулық сақтауды дамыту: VCU Қоғамдық денсаулық сақтау мектебінің зерттеу, мамандар даярлау және денсаулық сақтау жүйесін нығайтудағы рөлі»)
Дәрісте жаһандық денсаулық сақтауды дамытудың заманауи тәсілдері, халықаралық академиялық ынтымақтастық, қоғамдық денсаулық сақтау саласындағы мамандарды даярлау, сондай-ақ ғылыми зерттеулер мен білім беру бастамалары арқылы денсаулық сақтау жүйесін нығайту мәселелері қарастырылады.
Күні: 2026 жылғы 26 мамыр
Уақыты: 10:00
Өтетін орны: Академик Т. Шарманов атындағы Даңқ залы, ректораттың 2-қабаты
Моника Сван – эпидемиология, зорлық-зомбылықтың алдын алу, қоғамдық денсаулық сақтау және жаһандық зерттеулер саласындағы танымал халықаралық ғалым, көптеген халықаралық марапаттардың иегері, Fulbright Scholar бағдарламасының стипендиаты және АҚШ пен Африка елдеріндегі ірі академиялық әрі зерттеу бастамаларының жетекшісі.
Сіздерді дәрісте күтеміз!
