«Фармформула табысқа жету» 2026 фармацияны басқару және экономикасы бойынша халықаралық қатысумен бүкілресейлік ЖООаралық олимпиаданың жеңімпазы – Фармация мектебінің «Бесінші элемент» командасы
2026 жылғы 6 қазанда Санкт-Петербург қаласында Ресей Федерациясының Денсаулық сақтау министрлігіне қарасты «Санкт-Петербург химия-фармацевтикалық университеті» ФМББМ (бұдан әрі – СПХФУ) жетекші білім беру ұйымдары мен фармацевтика индустриясының серіктестерімен бірлесіп ұйымдастырған фармацияны басқару және экономикасы бойынша халықаралық қатысумен Бүкілресейлік ЖООаралық «ФармФормула табысқа жету» олимпиадасы (бұдан әрі – Олимпиада) өтті.
Олимпиадаға фармация, басқару және экономика салаларындағы кәсіби құзыреттерін дамытуға қызығушылық танытқан студенттерден құралған әртүрлі жоғары оқу орындарының 12 командасы қатысты.
С.Ж. Асфендияров атындағы «Қазақ ұлттық медицина университеті» КеАҚ (бұдан әрі – ҚазҰМУ) атынан Фармация мектебінің В085 «Фармация» білім беру бағдарламасының 5-курс студенттерінен құралған «Бесінші элемент» командасы қатысты:
- Әбдіәкім Ақсәуле Ерболқызы;
- Әділбекова Әсел Анарбекқызы;
- Абдурахимова Фериде Абдухамидкызы.
Байқау кезеңдерінің қорытындысы бойынша «Бесінші элемент» командасы III орынға ие болып, СПХФУ (Санкт-Петербург қаласы) және СОГУ (Владикавказ қаласы) командаларынан кейінгі жүлделі орынға тұрақтады.
Команда мүшелері теориялық дайындықтарының жоғары деңгейін, практикалық дағдыларын және командада тиімді жұмыс істей білу қабілеттерін көрсетті. Сонымен қатар, қатысушылар «Фармакологиядағы үздік ғылыми-білім беру визуализациясы» номинациясында жеңіске жетті. Бұл номинацияда студенттердің шығармашылық көзқарасы және ғылыми ақпаратты көрнекі әрі түсінікті түрде ұсына білу шеберлігі жоғары бағаланды.
Олимпиада бағдарламасы үй тапсырмаларын дайындауды және «Ақыл-ойлар шайқасы» атты очный кезеңді қамтыды. Қатысушыларға фармацияны басқару және экономикасы саласындағы білімдері мен кәсіби құзыреттерін бағалауға бағытталған жеке және командалық тапсырмаларды орындау ұсынылды.
Олимпиаданың мұндай форматы студенттерге аналитикалық ойлау қабілеттерін, кәсіби міндеттерді шешу барысында теориялық білімдерін қолдана білу дағдыларын, сондай-ақ тиімді өзара іс-қимыл мен командалық жұмыс қабілеттерін көрсетуге мүмкіндік берді.
Олимпиадаға қатысу Фармация мектебінің студенттері үшін ҚазҰМУ-ды халықаралық академиялық алаңда таныстыруға, басқа білім беру ұйымдарының өкілдерімен тәжірибе алмасуға және болашақ фармацевтика саласы мамандарының кәсіби даярлық деңгейін көрсетуге мүмкіндік берген маңызды тәжірибе болды.
Қол жеткізілген нәтижелер студенттердің кәсіби дамуға, ғылыми ізденіске және білім беру бастамаларына белсенді қатысуға деген ұмтылысын көрсетеді.
Олимпиадаға қатысу үшін В085 «Фармация» білім беру бағдарламасының үздік студенттерін іріктеу мақсатында Фармацияны ұйымдастыру, басқару және экономикасы және клиникалық фармация кафедрасында байқау өткізілді.
Команданың дайындығын кафедраның PhD, қауымдастырылған профессоры М.И. Тлеубаева, кафедра ассистенті Ж.Д. Рахи және биотехнология және жалпы химиялық технология кафедрасының қауымдастырылған профессоры М.К. Сулейменов жүргізді.
С.Ж. Асфендияров атындағы ҚазҰМУ Фармация мектебі «Бесінші элемент» командасын лайықты жүлделі орынға ие болуымен және арнайы номинациядағы жеңісімен шын жүректен құттықтайды!
Қатысушыларға оқуында одан әрі жетістіктерге жетуді, жаңа ғылыми табыстар мен кәсіби және халықаралық алаңдарда жарқын жеңістер тілейміз!
