Білім беру сапасына инвестиция: С.Ж. Асфендияров атындағы ҚазҰМУ Фармация мектебінің оқытушылары Ыстамбұл қаласындағы Altınbaş University университетінде заманауи педагогика бойынша халықаралық курстан өтті
2026 жылғы 3-8 тамыз аралығында Altınbaş University базасында (Ыстамбұл қ., Түркия) көлемі 72 академиялық сағатты құрайтын «Оқу нәтижелеріне негізделген заманауи педагогика: оқыту, бағалау және дизайн» халықаралық курс-семинары сәтті өткізілді.
Оқытуға С.Ж. Асфендияров атындағы ҚазҰМУ Фармация мектебінің профессор-оқытушылар құрамынан – инженерлік пәндер және тиісті практикалар кафедрасының ассистент-профессоры Ибадуллаева Ақтолқын Кинязбековна, ботаника курсымен фармакогнозия кафедрасының лекторы Хамитова Акжонас Ермековна, сондай-ақ Университеттің басқа мектептері/факультеттерінің профессор-оқытушылар құрамы өкілдері қатысты.
Курс оқытушылардың оқу нәтижелеріне негізделген (Learning Outcomes Approach) білім беру процесін жобалау, іске асыру және бағалау саласындағы қолданбалы құзыреттерін қалыптастыруға бағытталды. Білім беру сапасын арттыруға, бағалаудың ашықтығын қамтамасыз етуге және студентке бағдарланған тәсілді дамытуға бағытталған заманауи педагогикалық құралдарды енгізуге ерекше назар аударылды.
Курс бағдарламасы өзара байланысты алты модульді қамтыды: нәтижеге бағдарланған білім берудің тұжырымдамалық негіздері мен instructional design-нан бастап, оқытудың белсенді әдістері, критериалды бағалау, кері байланыс тетіктері және алынған білімдерді воркшоп форматында практикалық апробациялауға дейін. Мұндай кешенді тәсіл қатысушыларға теориялық білімдерін жүйелеуге ғана емес, оларды оқу процесінде қолдануға болатын нақты білім беру шешімдеріне айналдыруға мүмкіндік берді.
Халықаралық білім беру жобасына қатысу оқытушылардың кәсіби көкжиегін кеңейтуге, озық шетелдік тәжірибені интеграциялауға және оқытуды ұйымдастырудың жаңа әдістемелік тәсілдерін қалыптастыруға мүмкіндік берді. Алынған нәтижелер университеттің білім беру бағдарламаларына инновациялық тәжірибелерді одан әрі енгізуге және олардың халықаралық деңгейдегі бәсекеге қабілеттілігін арттыруға негіз қалыптастырады.
Мұндай бастамаларды іске асыру Университеттің даму бағдарламасының нысаналы индикаторларына қол жеткізуге тікелей ықпал етеді, атап айтқанда – «Болашақ» халықаралық бағдарламасын қоса алғанда, шетелде білім алған және тағылымдамадан өткен 45 жасқа дейінгі профессор-оқытушылар құрамының үлесін арттыруға ықпал етеді.
