Жаңа халықаралық ғылыми журнал Global Medical Reviews авторларды мақала жариялауға шақырады
С.Ж. Асфендияров атындағы Қазақ ұлттық медицина университеті медицина және денсаулық сақтау саласындағы заманауи ғылыми деректерді жинақтау мен талдауға арналған Global Medical Reviews (GMR) халықаралық рецензияланатын ғылыми журналының жарыққа шыққанын хабарлайды.
Журнал жүйелі шолуларды, метаталдауларды және ғылыми дәлелдерді синтездеуге арналған басқа да жұмыстарды жариялайды. Оның тақырыптық бағыттары клиникалық медицинаны, биомедициналық ғылымдарды, қоғамдық денсаулық сақтауды және медициналық білім беруді қамтиды.
Журналдың алғашқы саны жарық көрді. Оған дербестендірілген микробиомдық терапия мен фаготерапияға, айналымдағы ісік ДНҚ-сына, семіздік кезінде инкретиндік терапияны қолдануға, сондай-ақ клиникалық шешімдер қабылдауды қолдауға арналған мультимодальды және генеративті жасанды интеллектке қатысты жұмыстар енді.
Зерттеушілерді, практик дәрігерлерді, оқытушыларды, докторанттар мен ғылыми ұжымдарды мақала жариялауға шақырамыз. Қолжазбалар журналдың келесі сандарында қарастыру және жариялау үшін ағылшын тілінде қабылданады.
Редакция әдіснаманың ашықтығына, жүйелі шолуларды дайындаудың халықаралық стандарттарын сақтауға және нәтижелердің клиникалық маңыздылығына ерекше назар аударады.
Global Medical Reviews тоқсан сайын жарық көреді. Барлық жарияланған материалдар CC BY 4.0 лицензиясының талаптарына сәйкес ашық қолжетімділікте ұсынылады.
📖 Алғашқы санмен танысу: https://gmr.sciences.kz/current-issue
📝 Авторларға арналған ақпарат: https://gmr.sciences.kz/for-authors
📩 Қолжазба жіберу: https://gmr.sciences.kz/submit
🌐 Журналдың веб-сайты: https://gmr.sciences.kz/
Global Medical Reviews редакциясы Қазақстандағы және басқа елдердегі авторлармен және ғылыми ұжымдармен ынтымақтастық орнатуға дайын.
