Профессор Ақанов Айқан Ақанұлы құрметіне арналған футболдан «А-LIGA» чемпионатының ашылу салтанаты өтті
2018 жылдың 18 ақпанында университетіміздің спорт кешенінде ҚазҰМУ ректоры, Қазақстанның еңбек сіңірген қайраткері, профессор Ақанов Айқан Ақанұлы құрметіне арналған футболдан «А-LIGA» чемпионатының ашылу салтанаты өтті. Чемпионаттың басты мақсаты: студенттерді салауатты өмір салтына баулу, бос уақыттарын тиімді пайдалану, университеттік спорттың дамуына баға жетпес үлес қосқан тұлға Ақанов Айқан Ақанұлының есімін насихаттап, дәріптеу.
Турнир ашылуында: Жастар саясаты басқармасының басшысы Шыңғысбаев Лескен Сейдіғалымұлы мен Университеттің Студенттік Үкіметінің төрағасы Солтанай Жәнібек, чемпионатқа қатысушы жас достарға сәттілік тілеп, Айқан Ақанұлының студенттер үшін жасаған жақсылықтары мен еңбектері туралы айтылды. Чемпионатқа 20 топтан 200-ден астам студенттер қатысуда. Чемпионат мамыр айының ортасында финалдық ойындар мен марапаттау рәсімімен аяқталады.
Ұйымдастырушылар, Айқан Ақанұлының шәкірттерінің айтуы бойынша, ұстаздарына деген сый-құрметтері таусылмайды, ол кісінің баға жетпес еңбектері мәңгі естерінде сақталады және бұл чемпионатты университетімізде дәстүрлі іс-шаралар қатарында болатынын айтты.
Ұйымдастырушылар: Университеттің Студенттік Үкіметі және «Жалпы медицина» мектебінің студенттік деканаты
Қолдағандар: Жастар саясаты басқармасы, Дене тәрбиесі кафедрасы, Білім алушылар кәсіподақ ұйымы
