С.Ж.Асфендияров атындағы ҚазҰМУ-да «Жаңа Конституция – елді дамыту жолындағы саяси жаңғырту» және 2022 жылғы 1 қыркүйек күнгі мемлекет басшысы Қ.К.Тоқаевтың Қазақстан халқына жолдауын талқылау бойынша іс-шара өтті.

by kaznmu · 08.09.2022

Ағымдағы 2022 жылдың 07 қыркүйегі күні, С.Ж.Асфендияров атындағы Қазақ Ұлттық медицина университетінде «Жаңа Конституция – елді дамыту жолындағы саяси жаңғырту» және 2022 жылғы 1 қыркүйек күнгі мемлекет басшысы Қ.К.Тоқаевтың Қазақстан халқына жолдауын талқылау бойынша іс-шара өтті. Аталған іс-шараның ұйымдастыру жұмысына Жастар саясаты басқармасы, Жалпы медицина-1 мектебі, «Медициналық құқық» және «Қазақстан тарихы және әлеуметтік-гуманитарлық пәндер» кафедраларының профессорлық-оқытушылар құрамы біріге атсалысты, сондай-ақ қатысушылар 1-2-5 курс студенттері болды. Алғашқы баяндаманы «Жаңа Конституция – елді дамыту жолындағы саяси жаңғырту» тақырыбында «Медициналық құқық» кафедрасының меңгерушісі Л.Б. Богатырева орыс тілінде дайындап жасады. Артынша осы тақырып бойынша қазақ тілінде «Медициналық құқық» кафедрасының оқытушысы Қ.Ж.Байтекова айтып өтті. Осы жақында ғана 2022 жылғы 1 қыркүйек күнгі мемлекет басшысы Қ.К.Тоқаевтың Қазақстан халқына жолдаған жолдауын «Қазақстан тарихы және әлеуметтік-гуманитарлық пәндер» кафедрасының ассистенті Д,Е.Несипкалиев ашып түсіндіріп өтті.

Іс-шараны «Қазақстан тарихы және әлеуметтік-гуманитарлық пәндер» кафедрасының меңгерушісі З.А.Нагайбаева қорытындылады.

Ұйымдастырушы ретінде Жастар саясаты басқармасының бас маманы С.А.Апсаттарова іс-шараны өткізуде, ұйымдастыру жұмысына бірге қатысқан кафедра меңгерушілері мен оқытушыларына және қатысушыларға алғыс айтты. Жастардың саяси сауатын дамытудағы, ұлттық құндылықтарды таныту мақсатындағы іс-шаралар бұдан әрі де жалғаса береді