Профессор С. Н.Хостелиди Алматы қаласында микологияның заманауи мәселелері бойынша шеберлік сабағын өткізді

2026 жылғы 6 мамырда Т. Шарманов атындағы Даңқ залында И.И. Мечников атындағы Солтүстік-Батыс мемлекеттік медицина университетінің клиникалық микология, аллергология және иммунология кафедрасының профессоры, медицина ғылымдарының докторы С.Н.Хостелидидің «Микологиядағы заманауи үрдістер және инвазивті микоздарды диагностикалау критерийлері» тақырыбында шеберлік сабағы өтті.

Мастер-класс барысында саңырауқұлақ инфекцияларын диагностикалаудың заманауи әдістері – классикалық зертханалық және микроскопиялық тәсілдерден бастап молекулалық-генетикалық технологияларға дейін жан-жақты қарастырылды. С.Н.Хостелиди саңырауқұлақтардың жаңа жіктелуімен, оларды дәл анықтау үшін қолданылатын жағындыларды бояудың жаңа әдістерімен таныстырды. Сонымен қатар, саңырауқұлақтардың дәріге төзімділігіне қатысты өзекті деректерге, кандидозды сепсис мәселесіне ерекше назар аударды. Ресей Федерациясындағы тіркеу дерекқорлары, микоздарды диагностикалауға арналған жаңа ПТР жиынтығы, П.М.Кашкин атындағы Микология институтының штаммдар музейі коллекциясы туралы ақпарат берілді.

Визитинг-профессор инвазивті микоздарды анықтаудағы және дифференциалды диагностикадағы күрделі мәселелерге жеке тоқталды. Нақты клиникалық жағдайларды талдау әсіресе пайдалы болды, себебі олар диагностикалық алгоритмдерді тәжірибеде қолдануды тереңірек түсінуге мүмкіндік берді.

Мастер-класқа Алматы қаласы, Алматы және Шығыс Қазақстан облыстарының, сондай-ақ республикалық деңгейдегі мекемелердің зертханалық диагностика қызметінің оқытушылары мен тәжірибелік дәрігерлерінен барлығы 88 адам қатысты. Іс-шара келесі ұйымдардың өкілдерін біріктірді:

– Қазақ ұлттық медицина университетінің Ұлттық клиникалық-диагностикалық зертханасы;

– Қазақ ұлттық медицина университетінің Ұжымдық пайдаланылатын ғылыми орталығы;

– Тері-венерологиялық диспансер;

– «Алатау Лаб» жауапкершілігі шектеулі серіктестігі;

– №2, №23, №30 қалалық емханалар;

– Ревматологиялық орталық;

– Шығыс Қазақстан облысы Денсаулық сақтау басқармасының Зайсан аудандық ауруханасы;

– Қазақстан Республикасы Президенті Іс басқармасы Медициналық орталығының Ұлттық госпиталі;

– «Олимп» клиникалық-диагностикалық зертханасы;

– А.Н. Сызғанов атындағы Ұлттық ғылыми хирургия орталығы акционерлік қоғамы;

– Қарасай аудандық көпсалалы орталық аудандық ауруханасы;

– Облыстық тері-венерологиялық диспансер;

– Фтизиопульмонология орталығы;

– «MYLab» жауапкершілігі шектеулі серіктестігі;

– Ұлттық ғылыми жұқпалы аурулар орталығы;

– Қазақ ғылыми-зерттеу ветеринария институты;

– Орталық қалалық клиникалық аурухана;

– «Сана лаборатория» жауапкершілігі шектеулі серіктестігі;

– Орталық қалалық клиникалық инфекциялық аурулар ауруханасы;

– «Open Medical Channel» медициналық орталығы жауапкершілігі шектеулі серіктестігі;

– Ұлттық ғылыми салауатты өмір салтын қалыптастыру орталығы;

– Жедел медициналық жәрдем ауруханасы;

– Ана мен бала денсаулығын қорғау орталығы;

– «Нұрлаб-2030» жауапкершілігі шектеулі серіктестігі;

– Балалар қалалық клиникалық инфекциялық аурулар ауруханасы;

– Республикалық санитариялық-эпидемиологиялық сараптама орталығы;

– Ветеринариялық зертхана;

– «Q-lab» жауапкершілігі шектеулі серіктестігі;

– Қалалық фтизиопульмонология орталығы (шаруашылық жүргізу құқығындағы коммуналдық мемлекеттік кәсіпорын).

Мастер-класс белсенді пікірталаспен аяқталды: қатысушылар сұрақтар қойып, тәжірибе алмасты, зертханалық практикадағы күрделі жағдайларды талқылады. Кездесу кәсіби ашық диалог форматында өтіп, қатысушыларға жағымды әсер қалдырды.

Іс-шара халықаралық ынтымақтастық аясында ұйымдастырылып, Біріккен Ұлттар Ұйымының Тұрақты даму мақсаттарын (№3, №4 және №9) іске асыруға үлес қосты.

Іс-шара соңында барлық қатысушыларға «Candida туыстас саңырауқұлақтар. Патогенездің микробиологиялық аспектілері, диагностика және күресу перспективалары» атты монография, Candida туыстас саңырауқұлақтарды диагностикалау бойынша әдістемелік ұсынымдар, Қазақ ұлттық медицина университетінің брендтелген күнделіктері және қатысушы сертификаттары табысталды.

Қатысушылар алдағы уақытта өзара ынтымақтастықты дамыту мақсатында байланыс деректерімен өзара алмасты.