«Студенттер арасында жемқорлыққа қарсы мәдениетті қалыптастыру»

2022 жылғы 23 сәуірде С. Р. Қарынбаев атындағы анатомия кафедрасында «Студенттер арасында жемқорлыққа қарсы мәдениетті қалыптастыру» атты университет деңгейінде іс шара өтті. Оны ЖМ 20-011-1,2, ОМ 20-015-1,2, ЖМ 20-23-1, топ студенттері (кураторлары: Б.Ш. Шакенов, Д.С. Байгамысова, А.М. Оразымбетова) ұйымдастырды.
Іс шараға кафедра оқытушылары, университеттің жемқорлыққа қарсы комплаенс – қызметінің жетекшісі Б.С. Тулетаев және жалпы медицина мектебінің 1, 2 курс студенттері қатысты.
Ар жолымен жүру парыз адамға, Адал ұрпақ керек мынау ғаламға, Алдаспаны шындық болса жастардың, Азаматты абыройлы қоғамда!
Адалдықтың негізінде шындық бар Адалдықсыз ақиқаттың жолы тар.
Адал ұрпақ бола алмасақ егерде, Арқа сүйей алар ма екен елім нар! – деп басталған конкурс түрінде өткен іс шараның бірінші кезеңінде студенттер өздері дайындаған скетч-көріністерін, екінші кезеңінде – бейнекөріністерін, үшінші кезеңінде –шығармашылық туындыларын қабырғалық газет түрінде көрсетті. Топ студенттері аталған тапсырмаларға өте ұқыпты дайындалып, қызықты түрде және жоғары деңгейде өткізді.
Құрамында: кафедра меңгерушісі Н.С. Ахмад, профессор Ж.Е.
Жаныбеков және университеттің жемқорлыққа қарсы комплаенс – қызметінің жетекшісі Б.С. Тулетаев кірген әділ қазылар ұжымы «Ең үздік шығармашылық», «Ұлдар рөлін жақсы орындағаны үшін», «Қыздар рөлін жақсы орындағаны үшін», «Ең үздік бейне-көрініс» номинациялар бойынша жеңімпаздарды анықтады.