ҚазҰМУ Пластикалық хирургия кафедрасына қалай түсуге болады
Санжар Асфендияров атындағы Қазақ ұлттық медицина университеті 2019 жылдан бастап пластикалық хирург мамандарын оқытып келеді. Кафедрада оқытуды жоғары санатты мамандар жүргізеді. Қазір кафедрада 23 резидент білім алуда, олардың бесеуі диплом алды. Біз сізге пластикалық хирургқа қалай оқуға түсуге болатынын айтамыз.
Пластикалық хирургия, эстетикалық медицина және лазерлік косметология кафедрасының меңгерушісі Леон Дерябиннің айтуынша, пластикалық хирургияның резидентурасына түскенге дейін талапкер хирург ретінде оқуы керек.
«Интернатура кезінде немесе демалыс кезінде хирургиялық стационарларға барып, тіпті болмаса тегін жұмыс жасап, жалпы хирургияның не екенін түсінуге тырысыңыз. Сонда жалпы хирургиядан сізге пластикалық хирургияға келу оңайырақ болады», – дейді.
2023 жылы оқыту сапасын сақтау үшін бес маманнан артық резидентураға қабылданбайтын болады. Кафедраның клиникалық базалары Алматыдағы Promoitalia және Астанадағы AMC (Aesthetic medicine of California) клиникалары болып табылады.
«Егер біз өткен жылы талапкерлердің әрбір екіншісінен бас тартқан болсақ, биылғы жылы конкурс болады. Талапкерлердің құжаттарына, хирургиялық дағдыларына қараймыз. Бұл мемлекеттік гранттар жоқ, ақылы мамандық болса да, біз қолмен жұмыс жасау дағдыларын, жалпы клиникалық дағдыларын қарастырамыз. Талапкерлердің барлығын оқуға алмаймыз», – деді Леон Дерябин.
