Жалпы медицина-2 мектебінің 5 курс студенті Қазақстан Республикасының Тұңғыш Президенті – Нұрсұлтан Назарбаев Қорының беделді стипендиясының иегері атанды!
26 қазанда Алматыда 80 жеңімпазға құрмет көрсетілді. Шәкіртақы сертификаттарын табыстау салтанаты «ЖасSTAR» халықаралық шығармашылыққа бай жастар фестивалі бағдарламасының бір бөлігі болды. Аталған республикалық байқауға Қазақстанның барлық өңірлерінен келген үздік студенттер қатысты.
«Нұрсұлтан Назарбаев Қорының стипендиаты» беделді атағына үміткер бола алатын студенттер:
* кемінде екі оқу курсын сәтті аяқтағандар;
* академиялық үлгерімнің ең жоғары көрсеткіштері бар;
* оқу орнының, қаланың және республиканың қоғамдық, ғылыми-зерттеу және практикалық қызметіне белсенді қатысатындар.
Гасанов Ескендірді осы байқаудағы жеңісімен құттықтаймыз.
Студенттерімізге одан әрі табыстар мен жеңістер тілейміз!
