ҚазҰМУ-да бүгіннен бастап резидентураға түсуге емтихандар басталды
Дипломнан кейінгі білім беру факультетінде бос орындарға үміткерлерді іріктеу сұхбат форматында өтеді. Кандидаттарды кафедра меңгерушілері мен медицина мен фармацияның әртүрлі салаларындағы мамандар тексереді. Емтихандар ҚазҰМУ-дың симуляциялық орталығында өткізіледі.
Таңертеңнен бастап резидентурада тегін оқуға тапсырушылар дәрістерді қайталайды, жазбаларын оқиды және кәсіби мансабына байланысты сұрақ-жауапты сұхбатқа дайындалуда!
Емтихандар 8-16 тамыз аралығында өткізіледі. Болашақ резиденттер 46 түрлі мамандық бойынша таңдау жасайды. 1208 үміткер 595 грантты жеңіп алуға бақ сынайды.
