Қазақ ұлттық медицина университетінде оқушыларға арналған «BALAFEST 2024 – JAS GALYM» олимпиадасы өтеді

2024 жылдың 16 мамырында С.Ж. Асфендияров атындағы Қазақ ұлттық медицина университетінде Балаларды қорғау күні аясында Алматы қаласының оқушыларына арналған «BALAFEST 2024» – JAS GALYM олимпиадасы өтеді. Сондай-ақ олимпиада қатысушыларына ҚазҰМУ Симуляциялық орталығына экскурсия ұйымдастырылады.

«BALAFEST 2024 – JAS GALYM» мақсаты – балалардың шығармашылық және ғылыми қабілеттерін дамыту және қолдау үшін қалада жүзеге асырылып жатқан үздік жобалар мен бастамаларды біріктіру, сонымен қатар академиялық қоғамдастықтар, зерттеушілер мен жас ғалымдарды біріктіруге, өскелең ұрпақтың шығармашылық белсенділігін ынталандыру және жігерлендіру мақсатында денсаулық сақтау саласындағы ақпарат, тәжірибе және зерттеу нәтижелерімен алмасуға бағытталған.

Фестивальдің мақсаты – мектеп оқушылары арасында медицина ғылымын кеңінен насихаттау
Қатысушылар саны: 70 оқушы
Мақсатты сыныптар: 9-11 сыныптар
Бағыттары және оқу тілдері: Биология, медицина
Фестиваль қазақ және орыс тілдерінде өтеді.
Өтетін орны: Алматы қаласы, С.Ж. Асфендияров атындағы ҚазҰМУ
1-кезең: онлайн сауалнама
2-кезең: С.Ж. Асфендияров атындағы Қазақ ұлттық медицина университетінде практикалық сабақтар
3 кезең: Қорытынды және марапаттау

Басталуы: 2024 жыл 16 мамыр сағат 10:00
Мекен-жайы: Шевченко көшесі 100/С.Ж. Асфендияров атындағы ҚазҰМУ Симуляциялық орталығының Конференц залы