БАСПАСӨЗ ХАБАРЛАМАСЫ: С.Ж. Асфендияровтың туғанына 135 жыл толуына орай «С.Ж. Асфендияров – көрнекті мемлекет және қоғам қайраткері, ғалым-тарихшы, дәрігер, профессор» атты республикалық ғылыми-тәжірибелік конференция
2024 жылдың 16 қазанында С.Ж. Асфендияровтың туғанына 135 жыл толуына орай «С.Ж. Асфендияров – көрнекті мемлекет және қоғам қайраткері, ғалым-тарихшы, дәрігер, профессор» атты республикалық ғылыми-тәжірибелік конференция өтеді.
Конференцияға ҚР Денсаулық сақтау мен Ғылым және жоғары білім министрлігі өкілдері, ҚР жоғары және арнайы медициналық оқу орындары оқытушылары, мемлекет және қоғам қайраткерлері, тарихшылар, зерттеушілер мен медицина саласында еңбек етіп жүрген қызметкерлер қатысады.
Конференция барысында көрнекті мемлекет және қоғам қайраткері, тарихшы-ғалым, дәрігер, профессор С.Ж. Асфендияровтың өмірі мен қызметі және оның ғылыми еңбектерінің маңызы мен құндылығы қарастырылады.
Конференция жұмысының бағыты: «Тарихи тұлға Санжар Асфендияровтың қоғамдық – саяси қызметі»
Конференцияның өту форматы:
- Конференция аралас түрде өтеді (онлайн-оффлайн),
конференцияға қашықтықтан қатысу қарастырылған;
- Конференция қазақ, орыс, ағылшын тілдерінде өтеді.
Өтетін күні мен уақыты: 2024 жыл, 16 қазан, сағат 09.00-17.00.
Өтетін орны: Алматы қаласы, Төле би көшесі 94, С.Ж. Асфендияров атындағы ҚазҰМУ Т. Шарманов Даңқ залы және Бөгенбай батыр көшесі 151, «Concordia» театры
