Мұхтар Әуезов мұражай-үйіне саяхат
Биыл қазақтың көрнекті жазушысы, драматург, ғұлама ғалым Мұхтар Омарханұлы Әуезовтің дүниеге келгеніне 125 жыл.
Кешегіні келешекпен байланыстыра отырып, қаламгер мен бүгін ұрпақ арасындағы әдеби-рухани байланысты нығайту және Әуезовтың өмір жолы мен шығармашылығын, ғасырларға сын бермес мұраларын насихаттау мақсатында 2022 жылдың 14 желтоқсан күні «Жалпы медицина» мамандығының 22-002, 22-003 және 22-004 топ студенттерімен кураторлар: Г.Т. Танеева, Ә.Қ. Қыдырбаева, Қ.Е. Жүзжан көрнекті қазақ жазушысы мұражай-үйінде болып, өміріне қатысты деректермен танысып қайтты.
Екі қабаттан тұратын бұл үйде Мұхтар Әуезов өмірінің соңғы он жылын өткізді (1951-1961). Мұхтар Әуезовтың отбасына және замандас достарына қатысты құнды мағлұматтардың түпнұсқасы мен көшірмесі және тұрмыс тіршілігі мен шығармашылығына байланысты экспонаттарымен топ студенттері мен кураторлар таныстырылды. Студенттер мұражайдағы тарихи тұлғаның көзі тірісінде қолы тиіп, кәдесіне жаратқан бұйымдарды көзбен көріп, ерекше әсер алып қайтты.
