Мухамбетова Гүлнар Амерзаевнаның Ярослав мемлекеттік медицина университетіндегі визитинг-профессор бағдарламасы
2026 жылғы 22–24 қазан аралығында Ярослав мемлекеттік медицина университетінің жүйке аурулары, медициналық генетика және нейрохирургия кафедрасында Мухамбетова Гүлнар Амерзаевнаның визитинг-профессор бағдарламасы өтті.
Бағдарлама аясында «Неврология» мамандығы бойынша екінші оқу жылының резиденттеріне арналған аудиториялық дәрістер мен практикалық сабақтар өткізілді. Білім беру іс-шаралары кәсіби білімді тереңдетуге, клиникалық ойлау қабілетін жетілдіруге және болашақ невролог-дәрігерлердің практикалық құзыреттерін дамытуға бағытталды.
Неврологиялық ауруларды диагностикалаудың заманауи тәсілдеріне, дифференциалды диагностика мәселелеріне және жүйке жүйесі аурулары бар пациенттерді жүргізу қағидаттарына ерекше назар аударылды. Сонымен қатар балалардың ерте даму кезеңдеріне, когнитивтік функциялардың қалыптасуына және сенсорлық қабылдау ерекшеліктеріне баса мән берілді. Практикалық сабақтар резиденттерге өзекті клиникалық мәселелерді талқылауға және алған білімдерін бекітуге мүмкіндік берді.
Визитинг-профессор бағдарламасы кәсіби және педагогикалық тәжірибе алмасуға, жоғары оқу орындары арасындағы ынтымақтастықты нығайтуға, сондай-ақ ҚазҰМУ-дың жүйке аурулары кафедрасы мен Ярослав мемлекеттік медицина университетінің жүйке аурулары, медициналық генетика және нейрохирургия кафедрасы арасындағы білім беру байланыстарын одан әрі дамытуға арналған маңызды алаңға айналды.
Бағдарламаға қатысушылар сабақтардың ғылыми-практикалық деңгейінің жоғары екенін, ұсынылған материалдардың өзектілігін және олардың неврология саласындағы білікті мамандарды даярлаудағы маңыздылығын атап өтті.
