«Рухани жаңғырту» бағдарламасының «Дәстүр мен ғұрып» арнайы жобасы бойынша «Әділ жауап» таэквондо мектебінің ұстазы,бокстан спорт шебері,шығыс жекпе-жегінен қара белбеу иегері,Ұлттық нақыштағы тұрмыстық заттарды өз қолымен жасайтын шебер Нұрлыбек Бұлжанов

Рәбілұлымен кездесу
Күні: 25.02.2022жыл
Уақыты: 12:00
Орны: Т.Шарманов Даңқ залы
Ұйымдастырушылар: Жастар саясаты басқармасы,
Қоғамдық Денсаулық сақтау мектебі

Нұрлыбек Бұлжанов Рәбілұлы  – сегіз қырлы, бір сырлы азамат. Ең алдымен ол ұстаз, мектептерде дәріс бере отырып, тәлімгерлер тәрбилеп шығарды. Екінші жағынан алар болсақ – тамаша спортшы, бокстан спорт шебері, таэквондодан қара белдік иегері. Шығыс жекпе-жегінің осы түрінен дәріс беретін мектептің жетекшісі.
Нұрлыбек Рәбілұлының үшінші қыры – оның өнерпаздығы. Бұған қосымша, ол ақын, үш кітаптың авторы.
2016 жылдан бастап Нұрлыбек Рәбілұлы қазақтың бес қаруының бірі – шоқпар жасаумен айналысып, республика көлеміндегі алғашқы бастаманы қолға алды. Осы өткен алты жылдың ішінде 150-ден астам шоқпар жасап, оларды ағайын-туыс, дос-жаран, сыйлас таныстарға таратумен жүр. Осының барлығын патриот азаматтың ел көлемінде қолға алынып, жүзеге асып жатқан «Рухани жаңғыру» бағдарламасына қосқан азды-көпті үлесі деп түсінген жөн.
Нұрлыбек Рәбілұлының негізгі бағыты: жастардың арасында ұлттық дәстүр мен ғұрыпты дәріптеу.