С.Ж. Асфендияров атындағы ҚазҰМУ және Алматы қаласы бойынша санитарлық-эпидемиологиялық бақылау департаменті ынтымақтастық туралы Меморандумға  қол  қойды

С.Ж. Асфендияров атындағы Қазақ ұлттық медицина университеті тиімді өзара әрекеттесу мақсатында Алматы қаласы бойынша санитарлық-эпидемиологиялық бақылау департаментімен ынтымақтастық туралы Меморандумға қол қойды.

Қол қою барысында  ғылыми-техникалық  ынтымақтастықты дамыту,  бұл үшін қажетті ұйымдастырушылық және қаржылық-экономикалық жағдайлар жасау шаралары талқыға салынды. Тараптар ынтымақтастықтың негізгі бағыттарын белгіледі:

Білім

* Санитарлық-эпидемиологиялық бақылау департаменті сарапшыларының қатысуымен бакалавриат, магистратура, докторантура бойынша білім беру бағдарламаларын дайындау және келісу;

* бірлескен бағдарламаларды, сертификаттау курстарын, біліктілікті арттыру курстарын және тағы басқаларды дайындау.;

* тәлімгерлік бағдарламаларды дамыту.

Тәжірибе

* жоғары курс студенттері мен оқытушыларына практикалық семинарлар өткізу;

* студенттер, магистранттар және докторанттарға тәжірбие жүргізуге жәрдемдесу;

* профессор-оқытушылар құрамға медицинада біліктілікті арттыру бағдарламалары бойынша көмек көрсету.

Зерттеу

* гранттарды бірлесіп қаржыландыруды қамтитын бірлескен зерттеулер жүргізу;

* халықаралық журналдарда бірлескен зерттеу нәтижелерін жариялау;

* магистранттар мен докторанттарға ғылыми жетекшілік ету;

* тараптардың әрқайсысының зерттеу мақалалары мен білім беру ақпараттарына онлайн-қолжетімділікті қамтамасыз ету.