Шетелдік ғылыми, клиникалық ұйымдарда, жоғары және жоғары оқу орнынан кейінгі білім беру ұйымдарында ҚазҰМУ профессор-оқытушылар құрамының қызметкерлеріне оқу/тағылымдамадан өту үшін конкурс жарияланады
Университеттің даму бағдарламасының «Шетелде оқудан/тағылымдамадан өткен 45 жасқа дейінгі ПОҚ үлесі Нысаналы индикаторын орындау үшін, оның ішінде «Болашақ» халықаралық бағдарламасы шеңберінде университет қаражаты есебінен шетелде оқу/тағылымдамадан өту үшін конкурс жарияланады.
- Шетелде оқу/тағылымдама ҚазҰМУ мен серіктес ЖОО арасындағы халықаралық шарттар (меморандумдар, ынтымақтастық туралы шарттар) негізінде халықаралық рейтингтерге кіретін жетекші ғылыми, клиникалық ұйымдарда, жоғары және жоғары оқу орнынан кейінгі білім беру ұйымдарында жүзеге асырылады.
- Шетелде оқу/тағылымдамадан өту үшін қызметкерлерді іріктеу критерийлері:
1) ҚазҰМУ негізгі қызметкері
2) қызметкердің жасы – 45 жасқа дейін
3) ҚазҰМУ жұмыс өтілі – 3 және одан да көп жыл;
4) PhD ғылыми /академиялық дәрежесінің болуы (дұрысы);
5) мемлекеттік және шет тілдерін білу (дұрысы);
6) қабылдаушы ұйымнан – серіктес ЖОО шақырудың болуы;
7) ғылыми жарияланымдардың болуы;
8) бекітілген оқу/тағылымдама бағдарламасының болуы (1-қосымша);
9) ҚазҰМУ қаражаты есебінен оқытуды/тағылымдаманы ПОҚ қызметкері үш жылда бір рет өтуі мүмкін;
10) ҚазҰМУ қаражаты есебінен шетелде оқу/тағылымдама ұзақтығы күнтізбелік 7-ден 14 күнге дейін құрайды.
- Құжаттар топтамасы (қабылдаушы ұйымнан – әріптес ЖОО-дан шақырудың болуы; ғылыми жарияланымдар тізімі; бекітілген оқу/тағылымдама бағдарламасының болуы (1-қосымша) адам ресурстарын дамыту департаментіне тапсырылады (104 кабинет, ректорат).
- Барлық сұрақтар бойынша Персоналды дамыту басқармасына хабарласыңыз (104 кабинет, ректорат, тел. 7021, 7022)
Ескерту
- Шетелде оқуға/тағылымдамаға жіберілген қызметкермен университетте кемінде 3 жыл жұмыс істеу шартымен оқыту шарты жасалады.
- Шетелде оқу/тағылымдама кезеңінде университет қызметкерінің жалақысы, жұмыс орны және атқаратын лауазымы сақталады.
- ПОҚ қызметкерлерін шетелде оқыту/тағылымдамадан өткізу қорытындылары сертификатпен (куәлікпен) расталады.
- Шетелде ПОҚ қызметкерлерін оқыту/тағылымдамадан өткізу нәтижесі оқу/тағылымдама аяқталғаннан кейін 6 ай ішінде алған білімдерін, іскерліктері мен дағдыларын қызмет процесінде енгізу/ пайдалану болып табылады: курс бағдарламасын өзектендіру/жаңарту (толықтырулар/өзгерістер енгізу); әдістемелік нұсқаулар шығару; әдістемелік құрал шығару; жаңа курсты әзірлеу (дәрістер, практикалық және семинарлық сабақтар және т.б.); семинар, шеберлік-классы және т. б. өткізу, мақала жазу, тәжірибеде техникалық жаңалықтарды пайдалану; басқа да қызмет түрлері.
- Алған білімдерінің, іскерліктері мен дағдыларының нәтижелері бойынша нысан бойынша енгізу актісі жасалады (3-қосымша ).
___________
