«Ішкі аурулар клиникасындағы артериялық, жүрекішілік және веналық тромбоздар» атты V халықаралық ғылыми-практикалық конференция
2026 жылғы 21–22 қазанда «Ішкі аурулар клиникасындағы артериялық, веналық және жүрекішілік тромбоздар» тақырыбында V халықаралық ғылыми-практикалық конференция өтті.
Конференцияның ашылу салтанаты «Қазақстан» қонақүйінің заманауи жабдықталған Grand Palace конференц-залында өтті. Қатысушылар мен қонақтарға құттықтау сөзін Қазақстан Республикасы Ұлттық ғылым академиясының академигі, медицина ғылымдарының докторы, профессор, Еуразиялық геронтологтар қауымдастығының төрағасы В. В. Бенберин және Қоғамдық денсаулық сақтау мектебінің деканы С. Х. Измайлова арнады.
Конференцияның ғылыми бағдарламасы отандық және шетелдік жетекші мамандардың баяндамаларын қамтып, тромбоздық асқынуларды диагностикалау, емдеу және алдын алудың өзекті мәселелерін талқылауға арналды. Іс-шараға кардиологтар, гематологтар, нефрологтар, гинекологтар, эндокринологтар, гастроэнтерологтар және басқа да медициналық мамандықтардың өкілдері қатысты.
Конференция аясында Германиядан келген, Charité – Universitätsmedizin Berlin университетінің өкілі, шақырылған профессор Wolfram Döhner (Вольфрам Дёнер) де дәрістер оқыды. Оның баяндамалары жүрек-қантамыр аурулары мен ми патологияларының өзара байланысы сияқты өзекті мәселелерге арналды.
Конференция жұмысына Қазақстанның әртүрлі өңірлерінен, сондай-ақ жақын және алыс шетелдерден келген мамандар қатысты. «Терапия», «Неврология», «Кардиология» және «Гематология» мамандықтары бойынша білім алып жатқан резиденттер де конференция жұмысына белсенді қатысты.
Конференцияны С. Д. Асфендияров атындағы Қазақ ұлттық медицина университетінің гематология курсымен бірге ішкі аурулар кафедрасы, профессор А. Б. Сугралиевтің жетекшілігімен ұйымдастырды.
Ғылыми бағдарлама барысында баяндамалар тыңдалып, кәсіби пікірталастар өтіп, ішкі аурулар тәжірибесіндегі тромбоздардың өзекті мәселелері бойынша клиникалық тәжірибе алмасу жүзеге асырылды. Конференция пәнаралық ынтымақтастықты дамытуға, заманауи ғылыми жетістіктерді талқылауға және халықаралық кәсіби байланыстарды нығайтуға мүмкіндік берді.
