Қазақстанда мейіргер ісі қалай өзгеріп жатыр: ҚазҰМУ ғылыми сериясының жаңа шығарылымы
ҚазҰМУ өз ғалымдарының зерттеулерімен таныстыруды жалғастыруда. Серияның екінші шығарылымы мейіргер ісіне және мейіргерлерді даярлаудағы өзгерістердің нақты клиникалық тәжірибеге қалай әсер ететініне арналған.
Жаңа бейнематериалдың тақырыбы – “Kazakhstan Reformed Nursing Education: Is Training Improving Care?”
Негізгі назар Қазақстандағы мейіргерлерді даярлау жүйесінің қалай дамып келе жатқанын, олардың кәсіби рөлінің қалай өзгеріп жатқанын және медициналық көмек көрсетуге қатысу деңгейін көрсететін зерттеулерге аударылған.
Шығарылымның жеке бөлігі паллиативтік көмекке арналған. Зерттеушілер пациенттердің қанағаттануына қандай факторлар әсер ететінін, мейіргерлердің клиникалық шешімдерді қалай қабылдайтынын, сондай-ақ пациентпен жұмыс істеуде коммуникация мен жеке тәсілдің қандай рөл атқаратынын қарастырады.
Ұсынылған зерттеулердің нәтижелері мейіргерлік білім берудегі өзгерістердің клиникалық тәжірибе және медициналық көмектің сапасымен қалай байланысты екенін бағалауға, сондай-ақ одан әрі дамытуды қажет ететін бағыттарды айқындауға мүмкіндік береді.
Серия ҚазҰМУ мен iesResearch бірлесіп әзірленуде және халықаралық ғылыми қауымдастықты Университетте жүргізіліп жатқан зерттеулермен таныстыруға бағытталған.
