Қазақ ұлттық медицина университетінде тәулік бойы кардиологиялық бақылауға арналған жаңа медициналық құрылғы көрсетілді
Санжар Асфендияров атындағы Қазақ ұлттық медицина университетінде «Asfen.forum, жаңа ұрпақ-2023» аясында ұйымдастырылған технологияларды коммерцияландыру реакторы өтті. Жас ғалымдар келген бизнес серіктестерге ғылыми жобаларын көрсетті. Медицина ғылымы саласындағы 12 жоба бірлескен қаржыландыруға және одан әрі гранттық қаржыландыру конкурсына қатысуға өтінім беру үшін бизнесмендерге таныстырылды.
Халықаралық Инженерлік-технологиялық университетінің Стратегиялық даму, ғылым және халықаралық байланыстар жөніндегі проректоры Оксана Каруна «Жүректің телемедициналық үздіксіз мониторингі үшін Icardy ЭКГ патчтарын шығаруды ұйымдастыру» жобасымен таныстырды.
Жүйе бұл бағдарламалық-аппараттық шешім және биоэлектрлік импульстарды нақты уақыт режимінде бақылауға және мобильді құрылғыға деректерді жіберуге мүмкіндік беретін ЭКГ патчынан тұрады. Құрылғыдан деректерді оқуға арналған веб-қосымша әзірленді. Құрылғының салмағы шамамен 33 грамм.
Құрылғы жүрек бұлшық етіне бекітіледі, ол адам ағзасында 7 күнге дейін болуы мүмкін, өмірлік белсенділікке кедергі келтірмейді – душ қабылдауға, жүгіруге болады. 100-ден астам тәжірибелік үлгілер әзірленді, клиникаға дейінгі сынақтар жүргізілді. Нарықтағы әлеуеті жылына 150 миллиард теңгеге дейін. Құрылғының бағасы 50 мың теңгеге дейін болады. Жобаның құны 390 миллион теңгені құрайды.
«Asfen.Forum, жаңа ұрпақ -2023» 1-ші халықаралық форумы Қазақ ұлттық медицина университетінде 5-6 маусымда өтті. Форум өз инновациялық жобаларын ұсынуға, өз идеяларын жүзеге асыру үшін бизнес серіктестермен кездесуге мүмкіндік алатын әлемнің 20 елінен келген медицина және денсаулық сақтау саласындағы жас дарынды ғалымдарды біріктірді.
Форум халықаралық, пәнаралық және маңыздысы – жастарға арналады. Бұл барлық қатысушыларға тың көзқарастары мен идеяларымен бөлісуге, ғылымның дамуына жаңа энергия әкелуге бірегей мүмкіндік болды.
Қазақ ұлттық медицина университетінде ғалымдарды материалдық ынталандыру шаралары үнемі енгізіліп отырады, ғылыми зерттеулерге қаражат бөлінеді, тек 2022 жылдың өзінде ҚазҰМУ-да ғылыми-зерттеу бағдарламаларын қаржыландыру 7,91 миллиард теңгені құрады. Университет жоспарында ғылыми қызмет нәтижелерін коммерцияландыру үшін технопарк құру бар.
