ҚазҰМУ мен Мәскеу қаласының Денсаулық сақтау департаменті өкілдері ынтымақтастықты дамыту мәселелерін талқылады
2026 жылғы 3 қарашада С. Д. Асфендияров атындағы Қазақ ұлттық медицина университетінде ҚазҰМУ басшылығы мен Мәскеу қаласының Денсаулық сақтау департаменті делегациясының кездесуі өтті.
Делегация басшысы ретінде Мәскеу қаласының Денсаулық сақтау департаментінің Денсаулық сақтауды ұйымдастыру және медициналық менеджмент ғылыми-зерттеу институтының директоры Елена Аксенова келді. Делегация құрамында институт өкілдері Анастасия Леоненко, Евгений Чернышев және Елизавета Клишина, сондай-ақ А. С. Логинов атындағы Мәскеу клиникалық ғылыми орталығы бас дәрігерінің орынбасары Елена Сазонова және С. С. Юдин атындағы қалалық клиникалық аурухана бас дәрігерінің орынбасары Вячеслав Шибитов болды.
ҚазҰМУ атынан кездесуге бірінші проректор Диляра Кайдарова, проректор Ильдар Фахрадиев және Стратегиялық даму және халықаралық ынтымақтастық департаменті басшысының міндетін атқарушы Меруерт Якупова қатысты.
Тараптар ҚазҰМУ мен Мәскеу қаласының Денсаулық сақтау департаменті арасындағы ғылыми ынтымақтастықты, сондай-ақ Мәскеудің бейінді ғылыми-зерттеу институттары және медициналық ұйымдарымен өзара қарым-қатынасты дамыту мүмкіндіктерін талқылады.
Басым бағыттар ретінде ғылым және клиникалық практика саласындағы бірлескен жұмыс, кәсіби тәжірибе алмасу, медицина кадрларын даярлау және олардың біліктілігін арттыру, сондай-ақ медициналық туризм саласындағы ынтымақтастықты дамыту белгіленді.
Қатысушылар ҚазҰМУ өкілдерінің Мәскеу қаласының Денсаулық сақтау департаментіне қарасты ғылыми-зерттеу институттары мен медициналық ұйымдарға танысу сапарларын ұйымдастыру мүмкіндігін қарастырды. ҚазҰМУ студенттерінің академиялық ұтқырлығына, оның ішінде Мәскеудің бейінді білім беру және медициналық ұйымдарында тағылымдамадан өтуі мен тәжірибе алмасуына ерекше назар аударылды.
