ҚазҰМУ Covid-19 кезінде бағаналы жасушалармен емдеу мәселелері талқыланады

ҚазҰМУ қазанның 13-15 аралығында «Ментальды денсаулық және COVID-19» халықаралық ғылыми- тәжірибелік конференциясы өтеді. Екі күн ішінде Қазақстан, Ресей, Түркия, Өзбекстан, Қырғызстан, Әзірбайжан, Тәжікстан, Болгария, Польша және Литваның үздік мамандары суицидология, ментальды бұзылулардың коморбидтілігі, тәуелділіктер ауруы, COVID – 19 аясында психиатриядағы дербестендірілген медицина мәселелері, сондай-ақ фармацияны дамытудың заманауи аспектілері мен басым бағыттары туралы соңғы ақпаратты ұсынады.

Қатысушылардың арасында Стамбулдағы Истинье университетінің профессоры, докторы Erdal Karaöz бар. Ол «The Systematic Effect of Mesenchymal Stem Cell Therapy in Critically COVID-19 Patients: A prospective double controlled trial» («COVID-19 ауыр науқастарына арналған мезенхималық бағаналы жасуша терапиясының жүйелі әсері») баяндамасын ұсынады.

Профессор баяндамасында коронавирустың ауыр жағдайларында мезенхималық бағаналы жасуша терапиясының қаншалықты тиімді екендігі және бұл әдіс өлім-жітімді азайтуға қалай көмектесетіні туралы сөз қозғайды. Баяндама фармация және фармацевтикалық өндіріс технологиясы саласындағы жас ғалымдар мектебінің ғылыми-тәжірибелік конференциясы аясында тыңдалады. Сондай-ақ, конференцияда коронавирустың дәрі-дәрмектерді тұтынушыларға әсері, дәрілік препараттың сапасын бақылауға қойылатын талаптар және биотерапиялық препараттардың вирустық қауіпсіздігі және фармацевтика саласының басқа да мәселелері талқыланады.

«Life Sciences саласындағы ғылыми зерттеулер» секциясы аясында пневмококкты инфекция, онкология және ауруларды диагностикалау тақырыптарында баяндамалар ұсынылатын болады.

Дәл осы уақытта ҚазҰМУ «Стоматологияны дамытудың нәтижелі стратегиялары, COVID-19 пандемиясы кезеңіндегі сын-қатерлер мен шешімдер» конгресі өтеді. Жақында ҚазҰМУ стоматологияға арналған практикалық дағдылар орталығында ауқымды жаңарту жасалды. Студенттерге практикалық және қолмен жұмыс жасау дағдыларын жетілдіру үшін 433 миллион теңгеге жаңа симуляциялық жабдықтар сатып алынды. Конференцияда мамандар стоматология саласындағы жаңа трендтерді және коронавирустың науқастарды емдеуге қалай әсер еткенін талқылайды. Симуляциялық орталықтың өзінде «Симуляциялық орталық: даму перспективалары» атты жеке конференция өтеді, онда оның даму перспективалары талқыланады.

14 қазанда пленарлық отырыс өтеді, онда «С.Ж. Асфендияров атындағы Қазақ ұлттық медицина университеті» КЕАҚ ректоры Нұрғожин Талғат Сейітжанұлы «Қазақстан Республикасындағы жоғары медициналық білім беру жүйесінің өсуі мен дамуының негізгі нүктелері» тақырыбында баяндама ұсынады. Сондай – ақ, м.ғ.д., профессор, В.М. Бехтерев атындағы Ұлттық медициналық психиатрия және неврология зерттеу орталығының директоры, Ресей психиатрлар қоғамының Президенті Незнанов Николай Григорьевич – «Психиатриядағы заманауи технологиялар: алғашқы нәтижелер, проблемалар мен перспективалар» тақырыбында және фарм.ғ.д., профессор, Санкт-Петербург мемлекеттік химико-фармацевтикалық университетінің ректоры Наркевич Игорь Анатольевич – «Университеттік білімнің трансформациясы: пандемияның әсері» тақырыбында сөз қозғайды. Ал «Республикалық психикалық денсаулық ғылыми-практикалық орталығы» бас директорының м.а. Алтынбеков Қуаныш Сағатұлы Қазақстандағы психикалық денсаулықты қорғау қызметінің парадигмасының ауысуы туралы айтып өтеді.

14 қазандағы «Қазіргі заманғы фармация: жаңа тәсілдер және өзекті зерттеулер» конференциясы аясында ҚазҰМУ мен «Санкт-Петербург мемлекеттік химия-фармацевтика университетінің» университеттік әріптестігінің тәжірибесі ұсынылатын болады.Ресей Санкт-Петербург мемлекеттік химия-фармацевтика университетінің магистратура бағдарламасына «Өнеркәсіптік биотехнология» және «Биоинженерия және биомедицина» бағыттары бойынша С.Д. Асфендиярова атындағы ҚазҰМУ Фармация мектебінің бакалавриатының үздік түлектері қабылданды. Қазірдің өзінде бес маман диплом алып, қазақстандық фармацевтикалық ғылым мен білімді дамыту үшін ҚазҰМУ оралды.

Бұдан басқа, ҚазҰМУ педиатрларды дайындау, медициналық мамандарды оқытудың жалпы мәселелері, анестезиологтар мен реаниматологтарды оқыту мәселелері тақырыптарына конференциялар өтеді.

2021 жылдың 15 қазанында психикалық денсаулық бойынша «Химиялық және химиялық емес тәуелділіктер» секциясы өтеді. Онда «Республикалық психикалық денсаулық ғылыми-практикалық орталығы» Менеджмент және білім беру бөлімінің басшысы Абетова Айгулим Абдурасуловнаның «Қазақстан Республикасында жастар арасында психобелсенді заттарды тұтыну бойынша ұлттық зерттеу әдіснамасы мен нәтижелері» және Қазақстанда психобелсенді заттардың жаңа түрлерінің таралуы бойынша клиникалық-эпидемиологиялық зерттеу нәтижелері тақырыптарында баяндамалары ұсынылады.

Ал «Суицидтік мінез – құлықтың алдын алу» секциясында PhD докторант, «Семей медицина университеті» психиатрия кафедрасының ассистенті Сексенбаев Нұрсұлтан Жақсылықұлы Қазақстандағы жұмыссыздық пен суицидтің байланысы туралы баяндайды. Өз кезегінде, м.ғ.к., С.Ж. Асфендияров атындағы ҚазҰМУ психиатрия кафедрасының доценті Нашкенова Айгуль Максутовна – «Әлеуметтік желілер мониторингін қолдана отырып, суицидтік үрдістері бар адамдардың психологиялық жағдайын бағалау» тақырыбындағы өз баяндамасын ұсынады.