Студенттердің медицина ғылымының докторы Атшабар Бақыт Бақияұлымен кездесуі
2017 жылдың 24-ші ақпанында ҚазҰМУ-дың бас ғимаратында орналасқан №118 аудиторияда Масғұт Айқымбаев атындағы Қазақ карантиндік жəне зооноздық инфекциялар ғылыми орталығының директоры, м.ғ.д. Атшабар Бақыт Бақияұлымен «Алматы қаласының анықтамалық зертханалары: ғылыми негіздемесі және болашағы» атты тақырыбында Жалпы медицина факультетінің студенттерімен кездесу өткізілді.
Кездесу барысында аса қауіпті жұқплар бойынша студенттерді жалпылама: оба, тырысқақ, күйдіргі, туляремия, вирустық инфекциялардың Қазақстан аумағындағы таралуы туралы ақпараттандырылды. Сондай-ақ, Бақыт Бақияұлы Масғұт Айқымбаев атындағы Қазақ карантиндік жəне зооноздық инфекциялар ғылыми орталығының жұмысы мен алдағы жоспарларын айқындап көрсетті.
Бұл шара студенттерімізге ақпарат беріп ғана қоймай, биологиялық химия және ғылыми жұмысқа деген қызығушылығын арттырды, сонымен бірге кәсіби бағдар тұрғысынан студенттерге пайдалы болды.
