Қарағанды қаласының «Мұрагер» дарынды балалар мектебінің 11 сынып оқушылары Университетте
2017 жылдың 1 қарашасында Қарағанды қаласының «Мұрагер» дарынды балалар мектеп-интернатының 11 сынып 30 оқушысы кураторлар-ұстаздары жетекшілігімен С.Ж.Асфендияров атындағы ҚазҰМУ-мен танысу мақсатындағы кездесуге келді.
Кездесу барысында оқушыларға университеттің факультеттері мен мамандықтары туралы ақпарат берілді, оқушылар өздерін қызықтырған сұрақтарына толыққанды жауаптар алды. Университеттің Тарихи мұражайы, Анатомиялық мұражайы, Тәжірибелік дағдылар орталығы, Университеттің аллеялары, алаңдары мен ескерткіштеріне саяхат жасалды.
Университетке келген қонақтар өздерін жылы қарсы алып, ҚР бірінші медициналық доғары оқу орны – ҚазҰМУ-мен танысуға, мол ақпарат алып, болашақ мамандықтарын таңдауға ықпал еткен қызықты кездесуді ұйымдастырып бергені үшін ҚазҰМУ басшылығына, университет қызметкерлеріне өз алғыстарын білдірді.
Қабылдау, кәсіби бағдар беру, студенттерді дамыту
және бітірушілерді жұмыспен қамту басқармасы
