Қазақстан медицина жастарының организациясының» кезекті VII құрылтайы
2018 жылдың 13-15 сәуірі аралығында С.Ж.Асфендияров атындағы Қазақ Ұлттық Медицина Университетінің ректоры Нұрғожин Талғат Сейтжанұлының қолдауымен Университет қабырғасында КазМСА- ҚазҰМУ жергілікті комитетінің ұйымдастыруымен Қазақстан медицина жастарының басын қосқан «Қазақстан медицина жастарының организациясының» кезекті VII құрылтайы өткізіледі. «Қазақстан медицина жастарының организациясының» кезекті VII құрылтайына Қазақстанның 8 Медициналық ЖОО-нан 200-ге жуық қатысушы келе жатыр, атап айтатын болсақ : «Астана Медицина Университеті», « Марат Оспанов атындағы Батыс Қазақстан Мемлекеттік Медицина Университеті», «Қарағанды Мемлекеттік Медицина Университеті», «Семей қаласының Мемлекеттік Медицина Университеті», «Ахмет Ясауи атындағы Халықаралық Қазақ-Түрік Университеті», «Оңтүстік Қазақстан Медициналық Академиясы», «Қазақ-Ресей Университеті». «Қазақстан медицина жастарының организациясының» кезекті VII құрылтайына алғаш рет арнайы қонақ ретінде ҚР Денсаулық сақтау министрі Біртанов Елжан Амантайұлы келеді. С.Ж.Асфендияров атындағы ҚазҰМУ ректоры Нұрғожин Талғат Сейтжанұлы мен КазМСА белсенділерінің кездесуі болады. Жыл сайын әрбір құрылтайда ҚМЖО-ның жылдық жоспардағы жұмыстарына есеп беріледі және Атқарушы,Тұрақты және Бақылаушы комитеттер сайлауы өткізіледі.Сонымен қатар, жергілікті комитет ұйымдастыруымен келген қонақтар мен қатысушыларға түрлі тренингтер жүргізіледі. Құрылтай кезіндегі ең қызықты әрі маңызды шаралардың бірі- Activity fair өткізіледі, бұл денсаулық сақтау және әлеуметтік даму салаларын қамтитын ғылыми,әлеуметтік, кәсіптік және ғаламдық жобалар жәрмеңкесі. Барлығыңызды VII құрылтайдың ашылу және жабылу салтанатының құрметті қонағы болуға шақырамыз.
