Академик Төрегелді Шармановпен кездесу

13.02.2020 | просмотров: 3  614

2020 жылдың 12 ақпан күні С.Д.Асфендияров атындағы Қазақ Ұлттық Медицина университетінің Даңқ залында Стоматология Мектебінің студенттері Қазақстан Республикасы Ұлттық Ғылым Академиясының академигі, Қазақстан Республикасының еңбек сіңірген қайраткері, профессор, Ұлттық Тағамтану Академиясының президенті Шарманов Төрегелді Шарманұлымен кездесті.

Академик Шарманов Төрегелді Шарманұлы өзінің өмір жолын толық баяндап, студенттермен қызықты оқиғаларымен бөлісті, ДДСҰ және Біріккен Ұлттар Ұйымының Балалар қоры, алғашқы медициналық-санитарлық көмек бойынша Алматы конференциясын ұйымдастырды. Студенттермен ашық диалог өткізді. Студенттер қонаққа турлі сұрақтар қойды. Барлық сұрақтарға ашық, адал және әзілмен жауап берді. Сонымен қатар бұл кездесуде Этикалық кеңестің өкілі, профессор Мустафина Жанар Габиденқызы, Стоматология Мектебінің тәрбие ісі жөніндегі орынбасары, доцент Амантай Бақанай Амантайұлы , Ортопедиялық стоматология кафедрасының меңгерушісі, профессор Алтынбек Көбейсін Дүйсенбайұлы сөз сөйледі.

Барлық қатысушылар ҚР патриотының, ұлы ғалымның ҚР Денсаулық Сақтау Министрлігінің дамуына үлкен үлес қосқанын айтты, әрине бұл кездесу ешкімді бей-жай қалдырған жоқ, барлығы достық қарым-қатынаста, жайлы ортада өтті. ҚазҰМУ-нің ғылыми кітапханасы академик Т.С. Шармановтың еңбектерін кітап көрмесі ретінде ұйымдастырды. Төрегелді Шарманұлы Ұлттық Медициналық Университетінің студенттеріне таңдаған мамандықтарын сүюді, жақсы оқуды, ұстаздарын сыйлауды тілеп, оқу жолында алған білімдері кәсіби табыс пен жұмыстың кепілі екенін айтты. Төрегелді Шарманұлымен кездесуді студенттермен бірлесе отырып стоматология мектебінің ортопедия кафедрасы ұйымдастырды