Cанжар Асфендияров атындағы Қазақ ұлттық медицина университетінде Жаңа жылдық шоу-концерт өтті
Cанжар Асфендияров атындағы Қазақ ұлттық медицина университетінің «Concordia» театрында 23 желтоқсан күні ҚазҰМУ жергілікті жұмысшылар кәсіподағының қолдауымен Әлеуметтік-тәрбие жұмысы департаментінің ұйымдастыруымен Жаңа жылдық шоу-концерт өтті.
Байқау бағдарламасына Университеттің мектеп және факультет, құрылымдық бөлімшелерінің қызметкерлері белсене қатысты. Атап айтсақ, Жалпы медицина 1, Жалпы медицина 2, Фармация, Стоматология, Педиатрия, Қоғамдық денсаулық сақтау мектептері және Халықаралық медицина факультетінің қызметкерлері мен студенттері, Қосымша кәсіби білім беру институты, Алғашқы көмек көрсету орталығының қызметкерлері бар өнерін ортаға салды. Әсем әнмен көмкеріліп, мың бұралған бимен безендірілген кеш көрермендеріне Жаңа жылдық көңіл-күй сыйлады.
Байқау жеңімпаздары дипломдармен және арнайы сыйлықтармен марапатталды.
Іс-шара Университеттің ауласында жалғасын тапты. Би кешіне ұласып, отшашумен аяқталды.
