Қазақ ұлттық медицина университетінің ректоры Марат Шорановтың Жаңа жыл мерекесімен құттықтауы
Құрметті Санжар Асфендияров атындағы Қазақ ұлттық медицина университетінің қызметкерлері, әріптестер, серіктестер, достар!
Жаңа 2023 жыл қарсаңында ең ізгі тілектерімді қабыл алыңыздар!
Өткен жылы біз барлық қиындықтарды бірге еңсердік, жеңіске ұмтылдық және ең жоғары нәтижелерге қол жеткіздік. Бұл жыл бүкіл ел үшін аса күрделі, бетбұрыс кезең болды. Дегенмен, жетістікке де толы табысты жыл.
Санжар Асфендияров атындағы Қазақ ұлттық медицина университетінің жетістіктерін тізбектей отырып, алдымен талантты студенттеріміздің жетістіктерін, Университетіміздің асқақтап келе жатқан беделін, жоғары рейтингтер мен марапаттарды, университеттік клиникалар мен кафедралардың табыстарын, көрнекті қонақтардың келуін, сондай-ақ ауқымды ғылыми іс-шаралардың өткізілуін атап өтпеске болмас.
Жаңа жыл бізге бұдан да көп жеңістер мен жетістіктер уәде етеді. Ал ол жетістіктерде әрқайсымыздың өзіндік үлесіміз бар. Алда бәрімізді жоғары оқу орны қызметінің барлық салаларында, атап айтсақ білім беру, ғылым, медицина, жастар саясаты, сапалы жаңа студенттік ортаны қалыптастыру сынды ауқымды жұмыстар күтіп тұр.
Біз барлық алға қойған мақсаттар мен міндеттерді абыроймен еңсеріп, Қазақстанның ең үздік медициналық университеті атағын асқақтата түсеміз деген сенімдемін. Университеттің барлық студентеріне, оқытушыларына, қызметкерлеріне Сіздердің ерен еңбектеріңіз, Алматы қаласына және мамандыққа деген адалдықтарыңыз үшін шексіз алғыс білдіргім келеді. Сіздердің қолдауларыңызсыз бұл нәтижелерге қол жеткізу мүмкін емес еді.
Жаңа жылда Сіздерге зор денсаулық, сарқылмас шығармашылық қуат, барлық мұрат, мақсатқа жетуді, шексіз бақыт пен толағай табыстар тілеймін. Әрқайсыңыздың босағаларыңызда береке, бірлік пен сүйіспеншілік орнасын, сонда ғана біздің ортақ шаңырағымыз – Санжар Асфендияров атындағы Қазақ ұлттық медицина университеті өркендей түспек.
Жаңа 2023 жыл бәріміз үшін жетістік пен жеңіске бай жыл болсын!
Ізгі ниетпен,
ҚазҰМУ ректоры Марат Шоранов
