ҚазҰМУ-да ардагер ұстаздарды мерекемен құттықтады
«Үлкендер жолы – ұлылық, ұрпағы жүрер ұғынып!» ардагер ұстаздармен 8 наурыз мерекесіне арналған кездесу кеші.
С.Р.Қарынбаев атындағы қалыпты анатомия кафедрасы атынан ардагер аруларға арналған меркелік кеш болды. Ел мүддесін бәрінен биік қоятын, өзінен кейінгі ізіне ерген шәкірттеріне ізеттігін аямайтын, ізінен ерген ұрпағына ұлылығын ұялатып, бір қауымға бас-көз бола білген ардагерлеріміздің орны ерекше. Атап өтсек кафедра ардагер ару ұстаздары Музапарова Ляйля Садыковна, Некреева Таисия Леонидовна, Стамкулова Майра Есимкеевна, Дюсембаева Асья Тулебаевна, Уважанова Айгуль Стальевна кештің қадірлі қонағы болып төрден орын алды.
Кафедра мұғалімдері Абилова Алтын Аскаровна, Байгамысова Динара Сагатпековна, Кенбаева Салтанат Рысбековна кураторлық топтармен ЖМ-57-58, 44-43, 47-48 бірге ән кешін ұйымдастырды. Барлық қонақтарға жылы құттықтаулар айтылып гүлшоғырлар ұсынылды.
