Қымбатты талапкерлер!
«Қазақстан халқына» қоғамдық қорының білім гранттарын тағайындау конкурсына қатысу үшін құжаттарды қабылдау жалғасуда. Қор «С.Ж.Асфендияров атындағы Қазақ ұлттық медицина университетіне» КЕАҚ 2024-2025 оқу жылына жоғары оқу орындарына түсетін талапкерлерді оқыту үшін 25 грант бөлді.
Конкурсқа келесі санаттағы талапкерлер қатыса алады:
- ауылдық жерлердегі, шағын және моноқалалардағы аз қамтылған отбасылар;
- жетім балалар немесе кәмелетке толғанға дейін ата-анасының қамқорлығынсыз қалған балалар;
- мүгедектігі бар тұлғалар;
- мүгедек балаларды тәрбиелеп отырған отбасылар;
- 2022 жылғы қайғылы қаңтар оқиғалары кезінде қаза тапқан Қазақстан Республикасы азаматтарының балалары;
- 2022 жылғы қайғылы қаңтар оқиғалары кезінде жараланған балалар;
Бағдарламаға қатысудың шекті жасы толық 29 жасты құрайды. Екінші жоғары білім алушыларға грант алуға жол берілмейді.
