Жалпы медицина-1 мектебінің студенттері Саяси қуғын-сүргін құрбандарын еске алу мұражайында
Ағымдағы жылдың 2-ші қыркүйегінде С.Ж. Асфендияров атындағы Қазақ ұлттық медицина университетінің Жалпы медицина-1 мектебінің декан орынбасары Тагирова Рима Толеухановамен 1-курс студенттері «Саяси қуғын- сүргін құрбандарын еске алу мұражайына» экскурсияға барды. Студенттер экскурсия барысында қуғын- сүргін құрбандарының өткен тарыхымен танысты. Ұлт қайраткерлерінің жанкешті еңбектерін тыңдады.
Қазақтың бес арысы, үш бәйтерегі және А.Байтұрсынұлы, С.Асфендияров сынды тарихи тұлғалардың өмір жолы мен еткен еңбегін, артында қалдырған мұраларын тамашалады. Мұражайдағы экспонаттардың әрбірі тарихтан сыр шертіп тұрғандай. «Өткенін ұмытқан елдің болашағы бұлыңғыр» деген даналыққа сүйеніп, өткен 20 ғасырдың ақтаңдақ беттерімен танысып, ел болашағы үшін жанын құрбан еткен бабалар рухына тағзым жасады.
