2026–2028 жылдарға арналған гранттық қаржыландыру конкурсына қатысу үшін ғылыми жобаларды алдын ала ішкі сараптауға өтінімдер қабылдау
Құрметті профессорлық-оқытушылық құрам, университеттің ғылыми қызметкерлері!
Ғылыми және (немесе) ғылыми-техникалық жобалар бойынша гранттық қаржыландыру конкурсына қатысу үшін ұсынылатын өтінімдердің сапасын арттыру, сондай-ақ оларды кейіннен Ұлттық ғылыми кеңес тарапынан оң қарастыру мен мақұлдауға жәрдемдесу мақсатында С.Ж. Асфендияров атындағы Қазақ ұлттық медицина университеті жобалық ұсыныстарға алдын ала ішкі бағалау жүргізу үшін өтінімдерді қабылдаудың басталғанын хабарлайды.
Аталған рәсім университет жобаларының бәсекеге қабілеттілігін арттыруға, оларды Қазақстан Республикасының Ғылым және жоғары білім министрлігі бекіткен талаптарға сәйкестендіруге, сондай-ақ 2026–2028 жылдарға арналған гранттық қаржыландыру конкурсына қатысу үшін ең перспективалы бастамаларды анықтауға бағытталған.
Университеттің профессорлық-оқытушылық құрамын, ғылыми қызметкерлерін және зерттеу топтарын алдын ала қарауға өтінімдер әзірлеу мен тапсыруға белсенді қатысуға шақырамыз. Ішкі сараптама жобаларды жетілдіру бойынша ұсынымдар алуға, сондай-ақ сыртқы конкурстық іріктеудің барлық кезеңдерінен сәтті өту мүмкіндігін арттыруға мүмкіндік береді.
Өтінімдер 2025-2027 жылдарға арналған ғылыми және (немесе) ғылыми-техникалық жобалар бойынша гранттық қаржыландыруға арналған конкурстық құжаттаманың талаптарына сәйкес ресімделеді.
Өтінімдер электрондық тасымалдағышта (флеш-жинақтағыш) келесі мекенжай бойынша қабылданады: Б. Атшабаров атындағы Негізгі және қолданбалы медицина ғылыми-зерттеу институты, 405 кабинет.
Өтінімдерді қабылдау мерзімі: 2025 жылғы 28 шілдеден бастап 29 тамызға дейін (қоса алғанда). Көрсетілген мерзімнен кейін түскен өтінімдер қаралмайды.
Өтінімдерді рәсімдеуге қатысты сұрақтар бойынша байланыс телефондары: 3387090, ішкі: 7110, 7095
