Жақыныңыз көз алдыңызда өзгеріп бара жатса: деменциясы бар науқастардың туыстарына арналған дәріс
Құрметті әріптестер!
Қазақстан Республикасында халықтың өмір сүру ұзақтығының артуына және егде жастағы адамдар санының көбеюіне байланысты деменция мен Альцгеймер ауруының таралуы тұрақты түрде өсуде. Global Burden of Disease және Alzheimer’s Disease International деректері бойынша, қазіргі таңда әлемде 57 миллионнан астам адам деменциямен өмір сүреді, ал 2050 жылға қарай бұл көрсеткіш 152 миллион адамға дейін өседі деп күтілуде.
Alzheimer’s Disease International мәліметтері бойынша, қазіргі уақытта Қазақстанда деменциямен ауыратын 100 000-нан астам адам бар, ал 2050 жылға қарай бұл көрсеткіш 350 000-нан асады деп болжануда.
Осыған байланысты С.Ж. Асфендияров атындағы ҚазҰМУ-дың Жүйке аурулары кафедрасы, Қазақстандық Альцгеймер және деменция альянсы (KADA) және Қазақстан неврологтар қауымдастығы Альцгеймер ауруы мен деменциясы бар науқастардың туыстары мен күтім жасаушы тұлғаларға арналған дөңгелек үстел өткізеді.
Күні: 2026 жылғы 26 мамыр
Уақыты: 11:00–14:00
Өтетін орны: №1 Қалалық клиникалық аурухананың кіші конференц-залы
(Ашимов көшесі, 2, Алматы қаласы)
Іс-шараның мақсаты — туыстар мен күтім жасаушы тұлғалардың деменция диагностикасы, пациенттерге күтім жасау, асқынулардың алдын алу, пациенттерді медициналық бағыттау және деменциясы бар науқастардың отбасыларына психологиялық қолдау көрсету мәселелері бойынша хабардарлығын арттыру.
Бағдарлама аясында:
- Деменцияның ерте белгілері мен диагностикасы
- Пациенттерге күтім жасаудың заманауи тәсілдері
- Асқынулар мен күтім жасаушы тұлғалардың эмоционалдық күйзелісінің алдын алу
- Мамандармен сұрақ-жауап сессиясы
Туыстар, күтім жасаушы тұлғалар, медицина қызметкерлері және барлық қызығушылық танытқан азаматтар шақырылады.
