Бірегей геномдық зертхана — тек ҚазҰМУ
Санжар Асфендияров атындағы Қазақ ұлттық медицина университетінде 2021 жылдың желтоқсан айынан бастап инфрақұрылымы дамыған және толық жабдықталып жаңартылған және кеңейтілген геномдық зертхана жұмыс істейді.
Қазіргі уақытта зертхананың ауданы 536 шаршы метрді құрайды, өзінің сору-сыртқа тарату желдеткіш жүйесі бар оқшауланған таза бөлмелері бар.
Зертханада биологиялық үлгілерді тіркеуге, есепке алуға және сақтауға арналған ҚР аумағындағы жалғыз STC Compact ULT (LiCONiC AG компаниясы, Лихтенштейн) роботтандырылған жүйесі бар.
Дербестендірілген медицина бойынша бағдарламалық нысаналы қаржыландыру аясында осы жабдықтың көмегімен генетикалық қауымдастықтарды іздеу және ауруларға бейімділіктің ықтимал маркерлерін анықтау мақсатында геномдарға талдау жүргізілетін болады.
Зертхана қызметкерлері жоғары білікті, барлық зерттеушілер биотехнология және биология бойынша арнайы білімі бар, зертханада бар барлық жабдықтарда жұмыс істеу дағдыларын толық меңгерген, молекулярлық биология, биохимия, химия және генетика салаларында кең ауқымды әдістерді меңгерген. Сонымен қатар, кейбір қызметкерлер өздері жаттықтырушы бола алады, молекулалық-генетикалық әдістерді үйрете алады.
Жаңғыртылған геномдық зертхананың мүмкіндіктері: үлгілерді сақтаудың автоматтандырылған жүйесі базасында биологиялық материалды үлкен көлемде жинау және сақтау; ПТР әр түрлі түрлерін жүргізу; секвенирлеу жүргізу; жаңа буынның жоғары өнімді секвенирлеуін жүргізу; геномдық қауымдастықтарды іздеуді жүргізу; хромато-масс-спектрометриялық зерттеулер жүргізу; зерттеулердің түпкілікті түсіндірілетін нәтижелерін алу үшін алынатын деректерге биоинформатикалық және статистикалық талдау жүргізу.
