Жас ғалымдар трансплантология саласының мамандарынан дәріс алды
2024 жылдың 2 ақпаны күні Қазақстан Республикасы Президентінің жанындағы Қазақстан Республикасының Ұлттық ғылым академиясы ұйымдастыруымен С.Асфендияров атындағы Қазақ ұлттық медицина университетінің қабырғасында «Ex situ organ management – how far we can go?» тақырыбында ғылыми семинар өтті. Ғылыми семинарды UMC Корпоративтік қорына қарасты Хирургиялық клиниканың академиялық бөлімінің директоры, медицина ғылымының кандидаты Лесбеков Тимур Достайұлы өткізді.
Ғылыми семинардың ашылуында сөз алған Қазақстан Республикасы Президентінің жанындағы Қазақстан Республикасының Ұлттық ғылым академиясының Вице-Президенті, медицина ғылымдарының докторы, профессор Ералиева Ляззат Тасболатқызы аталған семинарды өткізуге жан-жақты қолдау көрсеткен С. Асфендияров атындағы Қазақ ұлттық медицина университетінің басшылығына өз алғысын білдіре отырып, елімізде органдарды трансплантациялауға мұқтаж азаматтар санының артып келе жатқанын, ал органдарды тасымалдау мен донорлық мәселелері сақталып отырғанын атап өтті.
Тимур Достайұлы, елімізде ағзаларды трансплантациялау бойынша жоғары технологиялық оталарды жүргізуге мүмкіндік беретін заманауи инфрақұрылым туралы және аталған саладағы туындаған мәселелерді шешуге бағытталған жобаларымен бөлісті.
Семинарға жалпы 300-ге жуық студенттер мен жас ғалымдар онлайн және офлайн қатысты.
