Қазақ ұлттық медицина университетінде «Қазақстан Республикасындағы жастар арасында нашақорлықтың алдын алу» атты іс-шара өтті

by kaznmu · 26.02.2024

2023 жылдың 23 ақпанында С.Ж. Асфендияров атындағы Қазақ ұлттық медицина университетінің «Сoncordia» театрында «Қазақстан Республикасындағы жастар арасында нашақорлықтың алдын алу» атты іс-шара өткізілді.

Іс-шара барысында «Қазақстан Республикасындағы есірткі мәселесінің қазіргі жағдайы. Жастар арасында тренингтер өткізу бойынша мастер-класстар» және «Болашақ дәрігердің тәуелділік мінез-құлқының алдын алудағы рөлі» атты дәрістер оқылды. Сонымен қатар нашақорлық және оның салдары туралы бейнефильмдер көрсетілді.
Аталмыш іс-шара С.Ж. Асфендияров атындағы ҚазҰМУ Әлеуметтік-тәрбие жұмысы департаментінің қолдауымен «Ұлттық Медициналық Ассоциациясы» Республикалық қоғамдық бірлестігі және Психология және психотерапия институтының өкілдерінің қатысуымен өтті.

Университет білім алушылары өз тұрғысынан зерек білім көрсетіп, өз ойларын ортаға салды.
Іс-шара соңында білім алушылармен кері байланыс ретінде сауалнама жүргізілді.