ҚазҰЖҒА академигі, медицина ғылымдарының докторы, профессор Қөбейсін Дүйсенбайұлы Алтынбековтың 70 жылдық мерейтойына арналған халықаралық ғылыми-практикалық конференция аясындағы кітап көрмесі.
2026 жылғы 5 маусымда Даңқ залында «Заманауи стоматология – болашақ кепілі» тақырыбында кітап көрмесі ұйымдастырылды.
«Ғылым мен білім – кәсіби өсудің және қоғамға қызмет етудің негізі».
Қөбейсін Дүйсенбайұлы Алтынбеков – ортопедиялық стоматологияның, медицина ғылымы мен жоғары медициналық білімнің дамуына зор үлес қосқан белгілі қазақстандық ғалым, медицина ғылымдарының докторы, профессор. Оның көпжылдық ғылыми-педагогикалық қызметі жоғары білікті мамандар даярлауға және стоматологиялық тәжірибеге заманауи технологияларды енгізуге ықпал етті.
Көрменің мақсаты – студенттерді, оқытушыларды және жас зерттеушілерді профессор Қ.Д. Алтынбековтың өмір жолымен, ғылыми жетістіктерімен және педагогикалық мұрасымен таныстыру, медицина ғылымы мен стоматология саласына қызығушылықты арттыру, сондай-ақ болашақ мамандардың кәсіби және адамгершілік құндылықтарын қалыптастыруға ықпал ету.
Кітап көрмесінде профессор Қ.Д. Алтынбековтың стоматология ғылымы мен білім беру саласының дамуына қосқан үлесін айқындайтын ғылыми еңбектер, монографиялар, оқу-әдістемелік құралдар, сондай-ақ Рүзуддинов Саурбек, Седунов А.А., Күлманбетов И.А. авторлығымен жарық көрген ғылыми мақалалар мен жарияланымдар және олардың кәсіби әрі қоғамдық қызметіне қатысты материалдар ұсынылды.
