ҚазҰМУ – білімнің 90 пайызы – науқастың жанындағы тәжірибе
Санжар Асфендияров атындағы Қазақ ұлттық медициналық университеті Литва денсаулық сақтау ғылымдары университеті сияқты стратегиялық әріптестерінің қолдауымен білім берудің жаңа әлемдік стандарттарын дәйекті түрде енгізуде. 2018 жылдан бастап білім, клиника және ғылымның үштұғырлығы енгізілуде. 2017 жылдан бастап резидентурада клиникадағы жұмысты қамтитын қолданбалы оқытудың 90 пайызы енгізілді.
ҚазҰМУ 2017 жылдан бастап әлемнің үздік жоғары оқу орындарының тәжірибесі бойынша оқу бағдарламаларын бейімдеу, оларды жаңғырту бойынша айтарлықтай жұмыс жүргізілді.
Қазір ҚазҰМУ 89 жеке білім беру бағдарламасы бар, бұл ретте резиденттер мен интерндер 99,5 пайыздан жоғары көрсеткішпен тәуелсіз аттестация тапсырады. Қазіргі таңда ҚазҰМУ 124 халықаралық және екі стратегиялық серіктесі бар. Университет 2017 жылдан бастап Lithuanian University of Health Sciences (ЛДҒУ), ал 2016 жылдан бастап-SUNY (State University of New York), АҚШ-тың стратегиялық серіктесі болып табылады. Бүгінде ҚазҰМУ әрбір студентінің шетелде тәжірибеден өтуге және оқуды аяқтау кезінде екі диплом – «өзінің» және SUNY алуға мүмкіндігі бар. Бұдан басқа, Санкт-Петербург химия-фармацевтика университетімен, University of Information technology and management in Rzeszow, Poland, Орталық Азиядағы ауруларды бақылау және алдын алу орталығымен – «Қолданбалы эпидемиология» және Kyungpook (Оңтүстік Корея) ұлттық университетімен «Физикалық медицина және оңалту» бірлескен білім беру бағдарламалары жұмыс істейді. Сондай-ақ ҚБТУ – «Биоинформатика», Абай атындағы ҚазҰПУ «Медициналық құқық» және әл – Фараби атындағы ҚазҰУ «Инклюзивті білім беруді медициналық-педагогикалық сүйемелдеу» бірлескен білім беру бағдарламаларын ұсынды. Бұдан басқа, құрлық әскерлері Әскери институтының курсанттары үшін «Мейірбике ісі» бағдарламасы әзірленетін болады.
Нью-Йорк штатының халықаралық оқыту және зерттеу бағдарламасы (NYS-ITRP) «Қазақ ұлттық медицина университеті мен SUNY (Нью-Йорк штаты университеті) АИТВ саласындағы оқыту және зерттеу бағдарламасын» орындауды жалғастыру өтінімі бойынша бес жылға Федералдық ұлттық денсаулық институттарынан (NIH) 1,5 миллион доллар көлемінде грант алғанын атап өту маңызды.
