ҚазҰМУ-да Мұқағали Мақатаевтың туған күніне орай әдеби-сазды кеш өтті

by kaznmu · 12.02.2024

Қазақтың ақиық ақыны Мұқағали Мақатаевтың туған күніне орай 9 ақпан 2024 жылы ҚазҰМУ-да «Мұқағали – мәңгілік ғұмыр» атты әдеби-музыкалық кеш өтті. Университетіміздің талантты студенттер М.Мақатаевтың өлеңдерін оқып, сөзіне жазылған әндерді шырқады. Қазақстан Жазушылар Одағының мүшесі, ақын Дәулетбек Байтұрсынұлы арнайы қонаққа келіп, мұзбалақ ақынның өмір жолы мен естеліктерін бөлісті.

Талантты студенттеріміз Мұқағали арнау жазып, аталған кеште оқыды. Ақын Дәулетбек Байтұрсынұлы жастардың ақындық, шығармашылық қабілетін жоғары бағалап, сәттілік тіледі. Ақиық ақынға өзінің де жастайынан арнау өлеңдер шығарғанын есіне алды. Сонымен қатар, Мұқағали жырларын жатқа оқыған студенттерге өзінің жарық көрген соңғы кітабын сыйлыққа берді.

«Мұқағали – мәңгілік ғұмыр» атты әдеби-сазды кеш – жастардың рухани тыныстап, шығармашылықпен айналысуға шабыт берген кеш болды.