ҚазҰМУ-да «6В07201 – Фармацевтикалық өндіріс технологиясы» білім беру бағдарламасы бойынша XII Республикалық студенттік пәндік олимпиада өтті

2026 жылғы 23-24 сәуірде С.Ж. Асфендияров атындағы ҚазҰМУ-дың Фармация мектебі Қазақстанның түкпір-түкпірінен келген талантты жастардың бас қосатын орталығына айналды. Бұл күндері университет базасында «6В07201 – Фармацевтикалық өндіріс технологиясы» білім беру бағдарламасы бойынша XII Республикалық студенттік пәндік олимпиада өткізілді.

Іс-шараның мақсаты мен маңыздылығы.

Олимпиаданың негізгі мақсаты – ең дарынды студенттерді анықтау және олардың фармацевтикалық индустрия саласындағы кәсіби өсуіне қолдау көрсету. Іс-шара келесі міндеттерге бағытталған:

• оқу-танымдық іс-әрекетті ынталандыру және инженерлік пәндерге деген қызығушылықты арттыру.
• студенттердің ғылыми-зерттеу жобаларын (СҒЗЖ) таныстыру арқылы болашақ мамандардың шығармашылық әлеуетін ашу.
• ЖОО-аралық ынтымақтастықты нығайту: олимпиада алаңы еліміздің жетекші жоғары оқу орындарының өкілдерін біріктіріп, озық тәжірибе мен білім алмасуды қамтамасыз етті.

Олимпиада бағдарламасы.

Олимпиада екі мазмұнды күннен тұрды:

I тур: Бейіндік пәндер бойынша компьютерлік тестілеу нысанында теориялық дайындықты тексеру.

II тур: Командалық ғылыми жобаларды қорғау, мұнда қатысушылар дәрілік заттарды өндіру технологиясы саласындағы өз әзірлемелерін көрсетті.

Қатысушылардың жұмысын С.Ж. Асфендияров атындағы ҚазҰМУ, әл-Фараби атындағы ҚазҰУ, академик Е.А. Бөкетов атындағы ҚарУ, М. Әуезов атындағы ОҚУ  және Оңтүстік Қазақстан медицина академиясының көрнекті ғалымдарынан құралған сарапшылар комиссиясы бағалады.

Қатысушы командалар.

Үздік атағы үшін Қазақстанның түрлі аймақтарынан келген 12 команда бақ сынасты:

• С.Ж. Асфендияров атындағы ҚазҰМУ: «PhytoMatrix» және «Pharm4ever» командалары.
• Әл-Фараби атындағы ҚазҰУ: «Субстанция» және «Pharmavision» командалары.
• Академик Е.А. Бөкетов атындағы ҚарУ: «Хаким» командасы.
• М. Әуезов атындағы ОҚУ: «PharmaTech» және «Жас технолог» командалары.
• Оңтүстік Қазақстан медицина академиясы (ОҚМА): «Nova» және «ШипаLab» командалары.
• Қарағанды медицина университеті (ҚМУ): «Pulse» және «Vitapharm» командалары.
• Қарағанды индустриялық университеті (ҚарИУ): «ChemNova» командасы.

Олимпиаданы ұйымдастыру және өткізу жұмыстарына фармацевтикалық индустрия өкілдері ‒ Мухамад Ахмад Сулейман («Sina Pharm International» ЖШС) және Джанкулов Данияр («ADA KAZAKHSTAN» ЖШС) қолдау көрсетті. Аталған компаниялардың басшылары С.Ж. Асфендияров атындағы ҚазҰМУ Фармация мектебінің түлектері болып табылады, бұл ұрпақтар сабақтастығын және университеттің саланың дамуына қосқан үлесін айқындайды.

Олимпиада қорытындысы.

Конкурстық комиссия командалық және жеке біріншілікте ең мықты қатысушыларды анықтады.

Командалық есеп бойынша жеңімпаздар:

I орын: PhytoMatrix, «С.Ж. Асфендияров атындағы ҚазҰМУ» КеАҚ.

II орын:  Субстанция, «әл-Фараби атындағы ҚазҰУ» КеАҚ және Pharm4ever, «С.Ж. Асфендияров атындағы ҚазҰМУ» КеАҚ.

III орын: ChemNova, «Қарағанды индустриялық университет» КеАҚ, Pharmavision, «әл-Фараби атындағы ҚазҰУ» КеАҚ., Жас технолог, «М. Әуезов атындағы Оңтүстік Қазақстан университеті» КеАҚ және Pulse, «Қарағанды медицина университеті» КеАҚ.

Жеке есеп бойынша жеңімпаз:

I дәрежелі диплом: Погоров Федор Павлович, «әл-Фараби атындағы ҚазҰУ» КеАҚ.

Барлық қатысушыларды табысты өнер көрсетулерімен құттықтаймыз және кәсіби шеберлікке жету жолында жаңа жаңалықтар тілейміз!