ҚазҰМУ «Мейіргер ісі» және «Қоғамдық денсаулық сақтау» мамандықтары бойынша түлектерге дипломдар табыстады
Санжар Асфендияров атындағы Қазақ ұлттық медицина университетінде дипломдарды табыстау рәсімі өтті. Биыл бакалавриатты 1818 студент, интернатураны – 1037 және магистратураны – 90 студент тәмамдады.
Қоғамдық денсаулық сақтау мектебінің түлектерінің алдында сөз сөйлеген ҚазҰМУ ректоры Марат Шоранов бүгінгі мерейлі күннің тек студенттердің ғана емес, олардың білім алуына жанын салған ата-аналарының, оқытушыларының және университеттің басқа қызметкерлерінің де жадында қалары сөзсіз екенін атап өтті.
«Құрметті түлектер, ата-аналар, мен сіздерді әрқайсыларыңыз үшін ең елеулі сәт – дипломды табыстау рәсімінде көріп тұрғаныма аса қуаныштымын. Бүгін сіздер университет табалдырығын аттап, кәсіби мансаптарыңызға жол ашасыздар. Маған бұл мерейлі күнді сіздермен бөлісу – зор қуаныш, әрі үлкен мәртебе. Әрине, бүгінгі мерекелі күн тек сіздердің ғана емес, сіздердің білім алуларыңа жанын салған ата-аналарыңыздың, оқытушыларыңыздың және университеттің басқа қызметкерлерінің де жадында қалары сөзсіз. Сіздерге еліміздің үздік медицина университетінде абыройлы білім алуларыңыз үшін жылдар бойы қолдау көрсеткен, бүгін қатысып отырған және қатыса алмаған аналарыңызға, әкелеріңізге, аталарыңыз бен әжелеріңізге ерекше алғысымды білдіргім келеді. Университет қабырғасында алған білімдеріңіз сіздерге жаһандық әлемде орын алатын барлық сын-қатерлерге абыроймен төтеп беруге мүмкіндік беретініне сенімдімін», – деп университет ректоры түлектерді құттықтады.
ҚазҰМУ ректоры Марат Шоранов дипломды табыстау сәті – өзі үшін аса тебіреністі және қуанышты сәт екенін атап өтті. Университет басшысы болашақ медицина қызметкерлеріне бағыт-бағдар беріп, алдарына өршіл міндеттер қоюды тіледі.
«Сіздерге қарап отырып, өзімнің 1997 жылы осы университеттің қабырғасынан түлеп ұшқан толқынысты сәтті есіме түсіремін. Әрине, ауқымды жұмыстар атқарылды. Бізде әлеуметтік медициналық сақтандыру жүйесі бар, цифрландыру белсенді енгізілген, бұл сіздер кіретін жүйе. Құрметті түлектер, сіздер де отандық денсаулық сақтаудың осы жетістіктеріне зор үлес қосады және қол жеткен жетістіктерді ұлғайтады деп сенемін. Мен сіздерге алдарыңызға өршіл мансаптық міндеттер қоюды тілеймін. Сіздердің көпшілігіңізді болашақта магистратурада, докторантурада оқуларыңызды жалғастырған кезде көруге қуаныштымын. Дәрігер бір күні студенттік орындықтан тұрса да, үнемі білім алуға міндетті, сіздерге бар өмірлік және мансаптық жолдарыңызды білім алуға арнауды тілеймін», – деп атап өтті Маран Шоранов.
Төрегелді Шарманов атындағы Даңқ Залында «Мейірбике ісі» мамандығының 66 түлегі мен «Қоғамдық денсаулық сақтау» мамандығының 38 түлегіне жоғары білім туралы дипломдар табысталды. Бұл кафедралар Досмұхамедов атындағы қоғамдық денсаулық сақтау мектебінің құрамына кіреді. Түлектерді видео-байланыс арқылы қазақстандық медицинаның корифейлері құттықтады. Медицина мамандарына құттықтау сөзін академик Төрегелді Шарманов жолдады. Салтанатты іс-шараға Қазақ КСР бұрынғы Денсаулық сақтау министрі Талапқали Ізмұхамбетов қатысып, түлектерге дипломдарды жеке табыстап, олардың мансаптарына табыс тіледі.
«Марат Едігеұлы дұрыс айтты, медицина бізде жақсы жүйе ретінде қалыптасқан. Бұл жүйе ауруларға, клиникалық медицинаға бағытталған. Өздеріңіз білесіздер, алғашқы екі курс біз барлығы туралы айтамыз, бірақ болашақта сіздерге денсаулыққа бағытталған медицинаны құруға тура келеді. Мен сіздерге осы жолда үлкен жетістіктерге жетуді тілеймін. Біздің халқымыздың барлық үміті сіздерде!»,- деді бұрынғы Денсаулық сақтау министрі.
