ҚазҰМУ постдокторантурада оқуға құжаттар қабылдау басталғанын хабарлайды

24.06.2026 | просмотров: 23

Постдокторантура – жоғары білікті ғылыми кадрларды даярлауға, ғылыми-зерттеу қызметін дамытуға, ҚазҰМУ-дың ғылыми мектептері мен институттарының қалыптасуы мен сабақтастығын қамтамасыз етуге бағытталған жоғары оқу орнынан кейінгі білім беру нысаны.

Конкурсқа қатысуға шақырылады:

конкурс басталғанға дейін 6 жылдан кешіктірмей алынған PhD докторы немесе оған теңестірілген дәрежесі бар, 40 жасқа дейінгі Қазақстан Республикасының азаматтары және шетел азаматтары.

Оқу мерзімі: 3 жыл.

Постдокторантура бағдарламасы мыналарды қамтиды:

жеке жоспарға сәйкес ғылыми-зерттеу жұмысын орындау;
аралық және қорытынды аттестаттаудан өту;
зерттеу нәтижелері бойынша ғылыми жарияланымдар дайындау;
атқарылған жұмыс туралы жыл сайынғы есепті ұсыну.

Постдокторантқа қойылатын негізгі талаптар:

постдокторанттың жеке жұмыс жоспарын орындау;
3 жыл ішінде кемінде 7 мақала жариялау: бірінші жылдың қорытындысы бойынша 2 мақала, екінші жылдың қорытындысы бойынша 2 мақала және үшінші жылдың қорытындысы бойынша 3 мақала Web of Science базасында Q3-тен төмен емес және/немесе Scopus базасында процентилі 35-тен төмен емес журналдарда жариялануы тиіс;

Конкурсқа қатысу үшін келесі құжаттарды ұсыну қажет:

конкурстық өтінім;
жеке басын куәландыратын құжаттың көшірмесі;
PhD дәрежесін немесе оған теңестірілген дәрежені беру туралы дипломның көшірмесі;
шетелде алынған дәрежені тану туралы құжаттар, болған жағдайда;
түйіндеме;
жоспарланған зерттеудің аннотациясы;
1000 белгіден аспайтын мотивациялық хат;
постдокторанттың 3 жылға арналған жеке жұмыс жоспары;
соңғы 3 жылдағы Web of Science / Scopus базаларында индекстелетін журналдардағы ең маңызды жарияланымдардың көшірмелері;
еңбек қызметін растайтын құжаттар, болған жағдайда;
ағылшын тілін меңгеру деңгейін растайтын сертификат: IELTS Academic кемінде 5,5, TOEFL ITP кемінде 460 немесе TOEFL iBT кемінде 46;
сыбайлас жемқорлық және қылмыстық құқық бұзушылықтың бар немесе жоқ екендігі туралы мәліметтер.