ҚазҰМУ әскери кафедрасының 180 түлегі ант қабылдады
Санжар Асфендияров атындағы Қазақ ұлттық медицина университетінде әскери кафедра курсанттары бітірді. Запастағы офицерлер мен запастағы сержанттар бағдарламасы бойынша кафедрада әскери дайындық жаяу әскерлерді емдеу ісі, жұқпалы аурулар, орта және кіші медицина пәндері бойынша жүргізіледі.
Биыл әскери кафедраны 180 әскери маман аяқтады. Олардың ішінде 69 сержант запастағы медициналық қызмет сержанттарын даярлау бағдарламасы бойынша, ал 111 сержант запастағы лейтенант атағын алды. Сержанттарды даярлау бір жыл, лейтенанттарды даярлау – екі жыл.
Салтанатты жиында курсанттар оқу барысында алған дағдыларын көрсетіп, мемлекетке адал қызмет етуге салтанатты түрде ант берді.
“Алдымызда ашық аспан болғай! Сіздерге және жақындарыңызға қауіпсіз өмір, баяндв бақыт тілеймін. Әрқашан антыңызға адал болып, өз кәсібіміздің ең маңызды қағидалары – кәсіпқойлықты, мейірімділікті, адалдықты және адамдарға көмектесуді әрқашан берік ұстаңыздар!, – деді ҚазҰМУ ректоры Марат Едігеұлы.
ҚазҰМУ әскери кафедрасы 1938 жылғы құрылды. Қазір ол ҚазҰМУ бас ғимаратының 1 қабатында орналасқан, оған 5 оқу сыныбы, кітапхана, студенттерді аттестаттау кабинеті, әскери-медициналық даярлық және жалпы әскери даярлық сыныптары кіреді. “Айболит” оқу орталығында оқу жиындарын өткізуге арналған 23 АК-74 макеті, монтаждау және орнату сатысында лазерлік тир, саптық плац, интерактивті тақталар, оқу стендтері бар. Әскери кафедра құрылғаннан бастап қазіргі уақытқа дейін 47 мыңнан астам запастағы офицерлер дайындалды.
Әскери кафедрадағы ішкі қызмет және ішкі тәртіп ҚР ҚК жалпыәскери жарғыларының, жоғары оқу орындары жанындағы әскери кафедраларда оқу процесін ұйымдастыру және өткізу жөніндегі нұсқаулықтардың талаптарына сәйкес ұйымдастырылған және оқу процесінің қалыпты жүруін қамтамасыз етеді. Сондай-ақ студенттерге әскери жарғылардың талаптарын орындауда практикалық дағдыларды, орындаушылықты, әскери тәртіпті сақтауды, жоғары оқу орындарын қамтамасыз етуді қамтамасыз етеді.
