С.Ж.Асфендияров атындағы ҚазҰМУ-да «Батырлар аллеясында» еске алу кеші өтті

23.10.2019 | просмотров: 4  217

Үстіміздегі 2019 жылдың 22 қазан күні С.Ж.Асфендияров атындағы ҚазҰМУ-да Ұлы Отан соғысында қаза тапқан Батыр – медиктер мәңгілік ескерткіші жанында еске алу кеші өтті. Батырлар монументі жанына Кеңес Одағының батырлары Мәншүк Маметова және Владимир Иваниловтың бюст ескерткіштері қойылған. Еске алу кеші 16 қазан батыр қыз М.Маметованың қайтыс болған күніне орай ұйымдастырылды. Аталған іс-шараға Мәдени-шығармашылық жобаларды іске асыру тобы, әскери кафедрасының оқытушылары, курсанттары, Педиатрия мектебінің 3 курс студенттері қатысты. Іс-шара ескерткішке гүл себетін қоюдан басталып, ары қарай «Әскери кафедрасының» меңгерушісі, запастағы медициналық қызметінің полковнигі Ж.Т.Исабаев, кафедраның аға оқытушысы, отставкадағы полковник Н.И.Насыровтың студенттер алдында сөз сөйлеуімен жалғасты. Сөз сөйлеу барысында әскери кафедрасының оқытушылары М.Маметованың жасаған ерліктеріне қысқаша тоқталып, елін, жерін қорғау ұрпақтар сабақтасытығымен үнемі жалғасып отыратындығын, оны көзінің қарашығындай қорғау әрбір азаматтың борышы екенін айтып өтті. Студенттер атынан М.Маметова атындағы стипендия иегері Жалпы медицина мектебінің 3 курс студенті Ш.Исмаилов сөз сөйледі. Еске алу кешінің соңында барлық қатысушылар ескерткіш суретке түсті.