ҚазҰМУ ардагерлерімен кездесу

2020 жылдың 2 наурызында университеттің 90 жылдығына орай және 8 наурыз мерекесі қарсаңында тілдік пәндер кафедрасының оқытушылары университетіміздің ардагерлерімен кездесті.
Жылы шырай, достық аясында оқытушылар университет ректорларын, студенттермен бірге Алматы облысының колхоздарында ауылшаруашылық жұмыстарына барған сапарларын, республикамыздың танымал адамдарымен кездесулерін жылы лебізбен еске алды. Кездесудің басында Стратегиялық және корпоративті даму жөніндегі проректор, ф.ғ.д., профессор Датхаев Убайдилла Махамбетұлы келген ардагерлерге алғыс айтып, денсаулық, ұзақ ғұмыр тіледі. Осы кездесуге келген барлық ардагерлер оның ұстаздары және тәлімгерлері болып келетінін атап өтті. Ардагерлер А.Д. Тынышпаеваны, Т.В. Лутковскаяны және мезгілсіз өмірден өткен О.Я.Сүлейменованы жылы лебіздерімен еске алды.
Сонымен қатар стоматология мектебінің деканы Б.П. Дилбарханов, Фармация мектебінің деканы Сакипова З.Б., ММФ деканының орынбасары Төлегенова Б.М. денсаулық, ұзақ ғұмыр және сәттілік тіледі.