Моринга, жылтыр ганодерма және ферула негізіндегі Polyherbguard қант диабетіне қарсы дәрі
Санжар Асфендияров атындағы Қазақ ұлттық медицина университетінде «Asfen.forum, жаңа ұрпақ-2023» аясында ұйымдастырылған технологияларды коммерцияландыру реакторы өтті. Жас ғалымдар келген бизнес серіктестерге ғылыми жобаларын көрсетті. Медицина ғылымы саласындағы 12 жоба бірлескен қаржыландыруға және одан әрі гранттық қаржыландыру конкурсына қатысуға өтінім беру үшін бизнесмендерге таныстырылды.
ҚазҰМУ химия кафедрасының меңгерушісі Диас Мырзақожа моринга, жылтыр ганодерма және ферула негізінде Polyherbguard қант диабетіне қарсы дәрі ұсынды. Препарат нарыққа 2025 жылы шығады деп күтілуде. Қазақстан нарығының көлемі 18 миллион долларға бағаланады. Жобаның құны 300 миллион теңгені құрайды. Инвестицияларды қайтару мерзімі-2 жыл.
«Asfen.Forum, жаңа ұрпақ -2023» халықаралық, пәнаралық және маңыздысы – жастарға арналады. Бұл барлық қатысушыларға тың көзқарастары мен идеяларымен бөлісуге, ғылымның дамуына жаңа энергия әкелуге бірегей мүмкіндік болды.
Қазақ ұлттық медицина университетінде ғалымдарды материалдық ынталандыру бойынша шаралар үнемі енгізіліп отырады, ғылыми зерттеулерге қаражат бөлінеді, тек 2022 жылдың өзінде ҚазҰМУ-да ғылыми-зерттеу бағдарламаларын қаржыландыру 7,91 миллиард теңгені құрады. Университет жоспарында ғылыми қызмет нәтижелерін коммерцияландыру үшін технопарк құру бар.
