Стенттеу өткенге айналады, Қазақ ұлттық медицина университетінде жаңа медициналық құрал көрсетілді
Санжар Асфендияров атындағы Қазақ ұлттық медицина университетінде «Asfen.forum, жаңа ұрпақ-2023» аясында ұйымдастырылған технологияларды коммерцияландыру реакторы өтті. Жас ғалымдар келген бизнес серіктестерге ғылыми жобаларын көрсетті. Медицина ғылымы саласындағы 12 жоба бірлескен қаржыландыруға және одан әрі гранттық қаржыландыру конкурсына қатысуға өтінім беру үшін бизнесмендерге таныстырылды.
Әл-Фараби атындағы ҚазҰУ профессоры Оралбай Дәрменов миокард инфарктісі мен инсульттің алдын алу және емдеуге арналған құрал ұсынды. Бұл патология әлемдегі 18 миллион адамға қауіп төндіреді. Атап өткендей, консервативті, паллиативті емдеу нәтиже бермейді. Жаңа құрылғы артериядан атеромаларды жергілікті жоюға, бір ретте бірнеше тамырларды тазалауға мүмкіндік береді. Науқастардың өмірін 10-15 жылға ұзартады деп болжануда.
Құрылғы екі баллон катетерден тұрады – бір арна арқылы ауа беріледі, ал екіншісі арқылы артерияны тазартуға арналған препарат. Ғалымдар 4 патент алды, жұмыс прототипі жасалды. Қазақстандағы нарықтың әлеуетті көлемі 1 миллион доллар. Болашақта стенттеуді нарықтан ығыстыру жоспарлануда. Құрылғы атеросклеротикалық бляшкаларды жояды, стенттеуден бас тартуға, бір ретте бірнеше артерияларды тазартуға мүмкіндік береді, манипуляция кезінде қан ағымынан сақтайды. Бұдан басқа, оның құны 300 долларды құрайды, бұл аналогтарына қарағанда арзан.
«Asfen.Forum, жаңа ұрпақ -2023» халықаралық, пәнаралық және маңыздысы – жастарға арналады. Бұл барлық қатысушыларға тың көзқарастары мен идеяларымен бөлісуге, ғылымның дамуына жаңа энергия әкелуге бірегей мүмкіндік болды.
Қазақ ұлттық медицина университетінде ғалымдарды материалдық ынталандыру бойынша шаралар үнемі енгізіліп отырады, ғылыми зерттеулерге қаражат бөлінеді, тек 2022 жылдың өзінде ҚазҰМУ-да ғылыми-зерттеу бағдарламаларын қаржыландыру 7,91 миллиард теңгені құрады. Университет жоспарында ғылыми қызмет нәтижелерін коммерцияландыру үшін технопарк құру бар.
